HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 16 562 dâşların mesâʻîsi hakkında ızhâr-ı memnûniyeti dahi vecîbeden add ile takdîm-i ihtirâmât eylerim, efendim. 30 Teşrîn-i Sânî 1338" [1922] _______________ Üserâ-yı Harbiyenin Tahliyesi Yunanistan'daki Türk ve Anadolu'daki Yunan esîrlerinin serbest bırakılmaları için Lozan Kon- feransı'nda ittihâz olunan mukarrerâtı, şehr-i hâlin dördüncü târîhiyle gelen ajans telgrafları bildir- mişlerdir. Telgrafın metni budur: "-Esîrlerin mübâdelesi hakkında bir karâr ittihâzına meʼmûr edilen Tâlî Encümen, sivil esîrlerin hemen serbest bırakılmasına karâr vermişdir. Bu sûretle Yunanîler tarafından Anadolu ve Trakya'dan rehîne sûretiyle veya sâir bahânelerle alınıp götürülmüş olan sivil ve gayr-ı muhâribler derhâl tahliye edileceklerdir. Üserâ-yı harbiyeye gelince; bunların mübâdelesi esâsen kabûl edilmişdir. Askerlerin şimdi- den mübâdelesine başlanacak ve buna bir komisyon, ağleb-i ihtimâl Hilâl-i Ahmer ve Salîb-i Ahmer Cemʻiyetleri nezâret edecekdir". _______________ Ankara Heyʼet-i Murahhasası Ankara Heyʼet-i Murahhasası Reîsi İsmail [100] Besim Paşa ile Murahhas Doktor Ömer Lütfi Bey, Hilâl-i Ahmer'e müteʻallik bazı husûsâtın tesviyesi zımnında şehrimize muvâsalat eylemişlerdir. _______________ Avdet Hilâl-i Ahmer'e müteʻallik bazı husûsât için geçenlerde Ankara'ya gitdiğini yazmış olduğumuz Hilâl-i Ahmer Merkezi Muhâsebecisi Bedri Nedim Bey şehrimize avdet etmişdir. _______________ İrtihâl-i Müessif Harbiye Nezâreti Sıhhiye Dâiresi Reîs-i esbakı ve Hilâl-i Ahmer Cemʻiyeti Merkez-i Umûmî aʻzâsından Tabîb Mîrlivâ İbrahim Hakkı Paşa geçen 27 Teşrîn-i Sânî'de irtihâl-i dâr-ı bekâ eylemişdir. Harb-i Umûmî'de Harbiye Nezâreti'nin Hilâl-i Ahmer nezdinde murahhaslığı vazîfesini îfâ et- miş olan merhûm-ı müşârunileyhin Hilâl-i Ahmer'e hidemât-ı ber-güzîdesi sebk eylemiş ve kendisi esâsen ahlâk-ı hasene ve fedâkârlık ile temeyyüz etmiş olduğundan vefâtı mûcib-i esefdir. Merhûm-ı müşârunileyh, Defterdar'da Yavedud civârında ihzâr kılınan hâbgâh-ı ebedîsine def- nedilmişdir. Merhûmun hâtıra-i hizmetini dâimâ muhâfaza edecek olan cemʻiyetimiz, âile-i keder-dî- desine beyân-ı taʻziyete şitâb eder. _______________