HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 16 563 Hilâl-i Ahmer'e Hâricden Gelen Muʻâvenetler Cemâhîr-i Müttefika-i Amerika'da Peabody şehrinde mukîm Sadık Zülfikar Bey tarafından şehr-i mezkûr cemâʻat-i İslâmiyesi nâmına 390,55 dolar, Bulgaristan'da Varna Kasabası Hilâl-i Ah- mer Merkez Komitesi Reîsi Zümrezâde Ahmed Şakir Bey maʻrifetiyle 1.500 Osmanlı lirası, Bulga- ristan'da Razgrad Müftüsü Hâfız İbrahim bin Süleyman Efendi tarafından Köy Hilâl-i Ahmer Ko- misyonları nâmına 69.579 leva, Yafa'da Müftî-i sâbık Mehmed Tevfik ed-Dücanî Efendi tarafından Kasaba ahâlî-i İslâmiye nâmına 275 İngiliz lirası, Tunus'da el-Vezîr Gazetesi Sâhibi et-Tayyib bin İsa Bey maʻrifetiyle yirmi üç müteberriʻ nâmına 2.445 frank, Tunus'da el-Münîr Gazetesi Müdürü Muhammed eş-Şazelî el-Mevali Bey tarafından Suku'l-Erbiʻâ tüccârından es-Seyyid es-Sadık bin el-Cebbarî Bey nâmına 500 frank, Tunus'da el-Vezîr gazetesi sâhibi bey tarafından Rabat'da mukîm es-Seyyid el-Hakyan bin el-Arabî eş-Şerkavî nâmına 100 frank gelmişdir. Hilâl-i Ahmer, bütün bu müteberriʻîn ve mütevassıtîn-i kirâma arz-ı şükrân eder. _______________ Hilâl-i Ahmer Dispanserleri Geçen Teşrîn-i Sânî zarfında Hilâl-i Ahmer'in Fatih Dispanseri'nde 1.058 ve Üsküdar Dispanse- ri'nde 592 hasta muʻâyene edilmiş ve muʻâyene edilenlere ilâc dahi meccânen verilmekdedir. Bundan başka, Cağaloğlu Hastahânesi'ne mürâcaʻat eden 888 hastadan 401'ine meccânen ilâc iʻtâ edilmişdir. _______________ [101] Hilâl-i Ahmer Merkez-i Umûmîsi İstanbul halkına hitâben âtîdeki beyânnâmeyi neşret- mişdir: "-Garbî Anadolu'da birkaç yüz bin Türk meskensiz ve çıplakdır. Bu halk İstanbul'dan giyinecek ve örtecek eşyâ istiyor. Bu eşyâ kıllanılmış olabilir. Bu halk, bir tek kullanılmış çoraba dahi râzıdır. İstanbul'da eski eşyâsından, esvâblarından, yataklarından, yorgan ve battâniyelerinden bir kısmını onlar nâmına Hilâl-i Ahmer'e vermeyecek hiçbir Türk yokdur. Hilâl-i Ahmer, bu iʻâneleri Kadıköyü'nde hanımlar şuʻbesinde ve İstanbul'da Hilâl-i Ahmer Anbârı'nda kabûl etdiği gibi mahallelerde çok mikdârda toplandığı takdîrde vâkiʻ olacak mürâcaʻat üzerine araba da gönderecekdir. İstanbul Müslümânları! Eski bir yorganınız, kullanılmış bir esvâbınızı vermekle soğukda çıplak ve açıkda yaşayan yüz binlerce Türk'ün hayâtını kurtarmak istemez misiniz? İstanbul Müslümânları! Siz eşyâ ve melbûsâtınızdan bir parça esirgediğiniz için bu halkdan bir tek kişi soğukdan ölürse mesʼûliyet sizindir. Hilâl-i Ahmer bir eski fes, bir tek çorab dahi kabûl ediyor". Hilâl-i Ahmer Merkez-i Umûmîsi'nin ikinci beyânnâmesinin metni ber-vech-i zîrdir: "-Anadolu'da ve Trakya'da harâb olan memleketler ahâlîsinin maʻrûz kaldığı felâket ve sefâle- tin tehvînine âid her dürlü vesâiti kudret ü vüsʻati derecesinde ihzâr etmekle meşgûl bulunan cemʻiye- timiz, muʻâvenetini tevsîʻ ve teşmîl için ahâlî-i hamiyet-mendân ve şefkat-perverân milletin yeniden muʻâvenetine muhtâc bulunduğunu ve bilhâssa zîrde nevʻ ve kıymetleri muharrer kışlık ve sıhhat-i