HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 16 565 Hilâl-i Ahmer Semt Teşkîlâtı Hakkındaki Taʻlîmâtnâme Türkiye Hilâl-i Ahmer Cemʻiyeti semt muʻâvenet heyʼetlerinin teşkîlât ve vezâifini mübeyyin taʻlîmâtnâmeyi zîrde derc ediyoruz: 1-Hilâl-i Ahmer Cemʻiyeti'ne verilecek iʻânât-ı nakdiye ve ayniyeyi bi't-taʻkîb vakt ü zamânıy- la tahsîl ve merkez-i umûmîye irsâl ve teslîm etmek ve tezyîdi esbâbını istikmâl eylemek ve doğrudan doğruya muhâsebenin taht-ı nezâret ve murâkabesinde bulunmak üzere şehrin münâsib semtlerinde cemʻ-i iʻânât heyʼetleri teşkîl olunmuşdur. 2-İʻâne heyʼeti aʻzâ-yı faʻâlesi o semtin emniyet ve iʻtimâdını kazanmış ve dâimâ bu işle işti- gâle vakti müsâʻid olarak irâʼe olunacak zevât arasından merkez-i umûmînin bu işe meʼmûr aʻzâsı Merkez-i Umûmî Cemʻ-i İʻânât ve Teşkîlât Komisyonu maʻrifetiyle intihâb ve taʻyîn ve lede'l-îcâb tebdîl olunur. Bu iʻâne heyʼetleri üç ilâ beş zâtdan mürekkeb olacakdır. 3-İʻâne heyʼetleri teşekkül etdikden sonra esâmîsi kendilerine muʻâvenet ibrâzı ve sıfatlarının tanınması için o civâr polis merkezine bildirilir. 4-İʻâne heyʼetleri işbu taʻlîmâtnâme ahkâmına harfiyen riʻâyet eyleyeceklerini mübeyyin bir beyânnâme tanzîm ve imzâ ile komisyona iʻtâ edeceklerdir (Numûne numara 1). Komisyonca tasdîk olundukdan sonra muhâsebece hıfz edilecekdir. 5-İʻâne heyʼeti mensûb olduğu semti dolaşarak şehrî veyâhûd senevî iʻtâsı taʻahhüd olunan iʻânâtı kayıd ve tesbît edecek ve vakti hulûlünde tahsîline ihtimâm eylecekdir. İʻâne iʻtâsını taʻahhüd edenlerin esâmîsi Hilâl-i Ahmer Mecmûʻası veya gazeteler ile neşir ve iʻlân edilecekdir. 6-Hilâl-i Ahmer'e iʻâne iʻtâsı tamâmen ihtiyârîdir. İʻâne heyʼetleri iʻâne cemʻi esnâsında is- tiʻmâl-i nüfûzdan ve mâddî ve maʻnevî icrâ-yı tazyîkden tevakkî edeceklerdir. 7-İʻânât behemehâl cemʻiyetin maktûʻ makbûzları mukâbilinde tahsîl olunacakdır. Maktûʻ makbûzlar, muʻâvenet heyʼeti tarafından mümzâ mazbata mukâbilinde merkez-i umûmî muhâsebe- sinden alınacak ve her ay nihâyetinde sarfiyâtı ile mevcûdu merkez-i umûmî muhâsebesine ayrıca bildirilecekdir. 8-Teberruʻât-ı ayniyeyi dahi kabûle semt iʻâne heyʼetleri salâhiyetdârdır. Ancak heyʼetlerin derc edecekleri ayniyât için muhâsebece tertîb olunacak makbûzların dip koçanları müteberriʻîne imzâ etdirilecek ve müteberriʻînin mufassal adresi de yazılacakdır. 9-Taʻahhüdât iʻânâtından gayrı fevkalâde olarak suver-i muhtelifede derc edilecek iʻânât için merbût taʻlîmâtnâme ahkâmına riʻâyet edilecekdir. 10-Muʻâvenet heyʼeti, biri makbûzât ve medfûʻâtı (numûne 2), diğeri iʻâne iʻtâsını taʻahhüd eden zâtın ismi ve hüviyetini, mahall-i ikâmetini ve vereceği iʻâ[nâ]tın mikdârını, zamân ve sûret-i teʼdiyesini mübeyyin olmak üzere (numûne 3) iki kıtʻa defter tutmağa mecbûrdur. Bu defterler mer- kez-i umûmîce ihzâr ve iʻtâ olunacakdır. 11-İʻâne iʻtâ edecek zâtın vereceği iki kıtʻa taʻahhüd senedinden biri heyʼetde alıkonularak di- ğeri merkez-i umûmî muhâsebesine gönderilecekdir. 12-Cemʻ olunacak iʻâne her ay gâyesinde [103] bir bordroya (numûne 4) rabtan gönderilecek ve târîh-i ahzı iʻâne taʻahhüd eden zâtın yedine verilecek olan cüzdâna (numûne 5) işâret olunacakdır. Cemʻ olunan iʻâne on bin kuruşa bâliğ oldukça ay gâyesi beklenmeyerek merkez-i umûmî veznesine teslîm edilecekdir. 13-Taʻahhüd etdiği hâlde semtini değişdiren zâtın mahall-i nakli o semt heyʼeti tarafından mer- kez muhâsebesine bildirilecek ve merkez muhâsebesince keyfiyet derhâl yeni semt heyʼetine işʻâr