HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 16 566 edilecekdir ve bu meyânda vefât, gaybûbet veya sâir bir maʻzeret vukûʻu dahi merkez muhâsebesine bildirilecekdir. 14-Merkez-i umûmî muhâsebesi iʻâne heyʼetlerinin hesâbât ve muʻâmelâtını her vakit teftîş ve tedkîke salâhiyetdârdır. Merkez-i umûmî muhâsebesinde her semtin muʻâvenet heyʼeti nâmına birer künye defteri bulundurulacak ve iʻâne iʻtâsını taʻahhüd eden zevât ale'l-müfredât ve hurûf-ı hece tertî- biyle işbu deftere kaydolunacak, vürûd eden bordrolar üzerine kayıdları kapatılarak bu zevâtın vakt ü zamânıyla îfâ-yı taʻahhüd edip etmedikleri dâimâ kontrol edilecek ve adem-i teʼdiye hâlinde keyfiyet o zâtın mensûb bulunduğu semt heyʼetinden istifsâr kılınacakdır. Nihâyet on beş gün zarfında cevâb vürûd etmez veyâhûd lüzûm görülürse muhâsebece derhâl meʼmûr iʻzâmı ile mahallinde tedkîkât ve tahkîkât icrâ etdirilebilecekdir. 15-İʻâne heyʼetleri aʻzâsı uhde-i hamiyetlerine mevdûʻ olan bu vezâifi fahriyen îfâ edecekler- dir. Ancak heyʼetin îfâ-yı vazîfe esnâsında taʻkîb ve tahsîlât masârıf-ı mübreme ve hakîkiyesi yüzde onu tecâvüz etmemek üzere kabûl ve tesviye olunabilir. 16-Vezâif-i mevdûʻalarını hüsn-i îfâ eden iʻâne heyʼetleriyle taʻahhüdâtını tamâmen ve munta- zaman edâ eden müteberriʻîn, usûl-i mevzûʻasına ve merkez-i umûmîce tensîb edilecek mukarrerâta tevfîkan taltîf ve takdîr olunacakdır. 17-Semt iʻâne heyʼetlerinin teşkîl veya tahvîl ve ilgâsı merkez-i umûmî iʻâne teşkîlât komisyo- nunun tensîb ve karârıyla icrâ edilerek berây-ı maʻlûmât heyʼet-i merkeziyeye iblâğ olunur. _______________ TEBERRUʻÂT (Geçen nüshadan mâbaʻd) 15 Teşrîn-i Evvel sene [1]338 [1922] târîhinde vukûʻ bulan teberruʻât Posta müvezziʻlerinden Hacı Reşid Efendi'den 100 Düyûn-ı Umûmiye İdâre-i Merkeziyesi Muhâsebe Meʼmûru İsmail Hakkı Bey'den 300 Aksaray Polis Merkezi meʼmûrîn-i zâbıtası efendilerden 3.450 Sultanhamamı'dan Kömürcü Fettah Efendi'den 100 Kâtibşemseddin Mahallesi'nde bir hanımefendiden 3.000 Üsküdar iskele merkez meʼmûrluğuyla meʼmûrîn-i sâireden 7.600 Çemberlitaş'da İstikâmet Eczâhânesi Sâhibi Nahid Bey'den 1.000 16 Teşrîn-i Evvel sene [1]338 [1922] târîhinde vukûʻ bulan teberruʻât Çanakkale İnâs Mektebi tâlibâtından 16 Polis Müdüriyet-i Umûmiyesi zâbıta-i ahlâkiye meʼmûrîni tarafından 3.125 Polis mütekâʻidi Şükrü Efendi'den 250