HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 17 594 bırakılmışdır. Kadınlar geride sevk edilmişdir. El-yevm üserâ meyânında yedi-sekiz çocuk, birçok ihtiyâr, birkaç dâne aʻmâ vardır". *** Liossa Garnizonu'nu ziyâret etmiş olan Mis Billings, Hilâl-i Ahmer Merkezi'ne gelerek Li- ossa'daki müşâhedâtı hakkında maʻlûmât verdi. Mûmâileyhâ, üserânın iʻâşesinde büyük kusûrlara tesâdüf etmediğini, fakat üserânın ahvâl-i sıhhiyesi ve bazı karârgâhların ıslâhı hakkında meʼmûrîn-i âidesi nezdinde mürâcaʻatda bulunulduğunu söyledi. Hilâl-i Ahmer, Atina'ya avdet edecek olan Mis Billings'den; 1-Üserânın şerâit-i sıhhiyesinin ıslâhı 2-Maʻâşlarının muntazaman verdirilmesi 3-Keyfî mahkûmiyet ve mahbûsiyetlere nihâyet verilmesi 4-Kadın, çocuk, ihtiyâr ve aʻmâ gibi kimselerin bilâ-teehhur tahliye edilmesi için Yunan Salîb-i Ahmeri nezdinde mürâcaʻatda bulunmasını ricâ etdi. _______________ İrtihâl-i Müessif Hilâl-i Ahmer Ankara Murahhaslığı mensûbîninden olup ahîren Anadolu Ajansı'nın İstanbul mümessilliğine taʻyîn edilmiş olan es-Seyyid Abdülmuttalib Bey, şehr-i hâlin on birinci gününe musâdif geçen Perşembe günü sâʻat üç buçukda, vazîfesi başında iken fücʼeten vefât etmişdir. Merhûm-ı mûmâileyh, geçen sene Rusya'da kalmış bazı Türk üserâsının ahvâlini teftîşe meʼmûr edilmiş ve avdetinde Karadeniz sevâhiline uğrayarak Hilâl-i Ahmer hakkında müteʻaddid konferans- lar vermişdir. Muhtelif fırsatlarda merhûmun hizmetlerinden istifâde etmiş olan Hilâl-i Ahmer Cemʻiyeti, âile-i keder-dîdesine arz-ı taʻziyet eder. _______________ Anadolu'daki Hilâl-i Ahmer İmdâd-ı Sıhhî Heyʼetlerine Gönderilen Eşyâ Anadolu'nun Yunan askerlerinden tathîr edilmesini müteʻâkib, Hilâl-i Ahmer geçen sene nihâ- yetine yani 31 Kânûn-ı Evvel 1338 [Aralık 1922] târîhine kadar Anadolu'nun muhtelif yerlerinde icrâ-yı faʻâliyet eden imdâd-ı sıhhî heyʼetlerine, mikdârı zîrde gösterilen eşyâyı gönderdi: 4.400 çuval erzâk 763 sandık çamaşır 1.141 balya çamaşır takımı 50 balya kab, kazma, kürek vesâire 87 Sandık kab, kazma, kürek vesâire 286 bâğ kab, kazma, kürek vesâire 85 sandık kibrit. _______________