HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 17 595 [120] Hilâl-i Ahmer Dispanserlerinin Senelik Faʻâliyeti 1338/1922 senesi bidâyetinden nihâyetine kadar dispanserlerimizde meccânen muʻâyene edi- len ve meccânen ilâc alan hastaların istatistik cedveli ber-vech-i zîrdir: Dispanserlerin Esâmîsi Hastaların Adedi Fatih Dispanseri 16.200 Üsküdar Dispanseri 11.807 Cağaloğlu 7.520 Yekûn 35.527 İhtâr.- 7.520 rakamı hem muʻâyene olan hem de ilâc alan hastaları gösterir. Hâlbuki muʻâyene olup da ilâc almayanların adedi ayrıca 6.437'ye bâliğdir. _______________ Mösyö Schatzmann Hilâl-i Ahmer'in talebi üzerine Yunan ordusunun Türk arâzîsinde iken Yunanistan'a cebren nefy ve iʻzâm etdiği Türk sivil ahâlînin ahvâlini tedkîk etmek üzere Beynelmilel Salîb-i Ahmer Cemʻiyeti, Mösyö Schatzmann'ı Yunanistan'a iʻzâm etmişdir. Mösyö Schatzmann geçen sene yine bir teftîş vazî- fesiyle Yunanistan'a gitmiş idi. _______________ Yunanistan'daki Sivil Üserâmızın Listeleri Yunanistan Salîb-i Ahmeri, kavânîn ve kavâʻid-i merʻiye-i beynelmilele mugâyir olarak esîr edip Yunanistan'a götürdüğü Türk sivillerine âid bazı listeler gönderdi. Bu listelere göre, bu bedbaht vatandâşlarımızdan Milos'da 2.300, Liossa'da 50, Girid'de 427, Godi'de 122, alây deposunda 712 ve muhtelif yerlerde 40 kişi mevcûd imiş. Azîmet Geçenlerde şehrimize geldiklerini yazdığımız Ankara Hilâl-i Ahmer Heyʼet-i Murahhasası Reî- si İsmail Besim Paşa Ankara'ya ve Murahhas Doktor Ömer Lütfi Bey ise İzmir'e azîmet eylediler. Ömer Lütfi Bey İzmir'de bir müddet kaldıkdan sonra Ankara'ya iş başına gidecekdir. _______________ Hilâl-i Ahmer'e Hâricden Gelen Muʻâvenetler Bulgaristan'da Kızanlık kasabası ahâlî-i İslâmiye'sinden Yolageldili ve Kasımbey Kâtibi Şaban Efendi vâsıtasıyla 1.050 Osmanlı lirası, Fransa'da Nice'de mukîm Dilşad Sabri Bey'den 200 Fran- sız frangı, Bulgaristan'da Aydos kazâsına tâbiʻ Salihiye karyesi ahâlîsinden 13.080 kuruş, Bulgaris- tan'da Yenipazar kazâsının Kaykı karyesi ahâlîsinden 32.895 kuruş, et-Tayyib bin İsa Bey vedâʻadıyla es-Seyyid İbrahimullah Muhammed Zemran Efendi'den 759 kuruş, Mısrü'l-Kahire'de Şâriʻu'l-Ez- her'de Muhammed bin Ebi'z-Zeheb Medresesi'nde mukîm Selanikli Mustafa bin Ali Efendi'den 8.051