HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 17 597 miş ve aynı günde Kırım'ın merkez-i idâresi olan Akmescid'e gidilmiş ve orada Açlar Komitesi ile ve hâricden bazı zevât ile müzâkerât-ı lâzımede bulundukdan ve burada da muʻâvenetin müslümânlara tahsîsinden dolayı hükûmet tarafından gösterilen adem-i hoşnûdî ve müşkilâta karşı pek çok mübâ- rezât ve mücâdelât-ı fikriye netîcesinde teʼmîn-i muvaffakiyet edildikden sonra Sivastopol'e avdeti- mizde mâl gümrüğe ihrâc etdirilmişdir. Mâlın gümrükde esnâ-yı vezninde hâzır bulunulduğu gibi bunların mahallerine tevzîʻini teʼmîn etmek için de pek çok tedâbîr ve teşebbüsâtda bulunmak lâzım geldi ve netîcede, tarafımızdan ma- hallî ihtiyâclar tahkîk olunarak tertîb olunan liste mûcebince mâlın, hükûmetin icrâ komitesi nezâreti tahtında Açlar Komitesi tarafından tevzîʻi ve bilâhare sûret-i tevzîʻin mahallerinde tarafımızdan te- dkîk ve teftîşi takarrür etdi. Kırım'a mahsûs iki bin çuval un ile altı yüz doksan altı sandık konservenin bu sûretle tevzîʻi ve mütebâkî bin altmış sandık konservenin ise Kazan'a gönderilmek üzere [122] Moskova Açlar Komitesi Riyâseti nâmına irsâli de ayrıca taht-ı karâra alındı. Ancak gerek Kırım'daki tevzîʻâtın bi-hakkın îfâsı ve gerek Kazan'a mahsûs olan konservelerin ziyâʻa uğradılmadan müs- lümânların yedine îsâli teʼmîn olunması husûsları makâmât-ı âliye ile temâsda bulunmaklığımız lüzû- munu hissetdirdiğinden yol masârıfı hükûmete âid olmak üzere Kırım Hükûmeti tarafından tahsîs olunan vagonla Moskova'ya azîmet ve orada Umûm Rusya Merkez İcrâ Komitesi ve Açlar Komitesi Reîs-i Fahrîsi Kalinin Yoldaş'a mülâkî olarak husûsât-ı mezkûre taht-ı emniyete aldırıldı. Zâten tev- zîʻâtın lâ-ekal bir aydan evvel ikmâli mümkün olamayacağı haber verildiğinden bu müddeti bîhûde zâyiʻ etmemek için bu sûretle hareket etmemiz zarûrî idi. Moskova'da bulunduğumuz esnâda idi ki, bir tarafdan boğazların seddolunduğunu gazeteler yazmış ve mürâcaʻat etdiğimiz sefârethânemiz de bunu teʼyîd etmiş, diğer tarafdan ise Türkiye Hilâl-i Ahmeri murahhaslarının büyük bir sevinç ile Kazan'a daʻvet olundukları, Açlar Komitesi Müslümân Şuʻbesi Reîsi Hacı Keşşaf Tercümanof Efen- di tarafından bildirilmiş olmağla, bu daʻveti reddetmek muvâfık görülmeyerek mevsimin şiddetine rağmen Kazanlıların daʻvetine bi'z-zarûre icâbet edildi. Fakat o aralık, harâret tahte's-sıfır sekize düşdüğünden vagonlar ise kâfi derecede mahfûz olmadığından yolda hastalandım ve Kazan'da bir hafta yatakda taht-ı tedâvîde kalmaklığım mecbûriyeti hâsıl oldu. Müslümân merkezi olan Kazan'da Türkiye Hilâl-i Ahmer Cemʻiyeti'ne karşı çok büyük bir muhabbet ve samîmî bir meveddet gösterildi. Orada kaldığım on beş gün zarfında hiçbir gün ziyâretsiz kalmadık. Herkesde Hilâl-i Ahmer'in iyilik- lerine karşı arz-ı teşekkür için büyük bir tehâlük görülüyor idi. Hele son gönderilen bin küsûr sandık konservenin bu şiddetli kış mevsiminde birçok bedbahtlara hayâtlarını kazandıracağından dolayı ne kadar arz-ı şükrân etseler yine vazîfe-i minnetdârîlerini îfâ edemeyeceklerini büyük bir tevâzuʻ ile söylüyorlar idi. Bu sûretle, orada da ikmâl-i vazîfe edip avdet edeceğim esnâda idi ki, konservelerin Kazan'a vâsıl olduğunu bizzât gördüm. Avdetimde Hilâl-i Ahmer Cemʻiyeti'ne karşı bir cemîle olmak üzere Moskova'ya kadar avdet yol masârıfım da bütün ısrârıma rağmen Kazanlılar tarafından verildi. Teşrîn-i Sânî'nin altısında Moskova'ya, on ikisinde Moskova'dan Sivastopol'e avdetimiz akîbin- de otomobil ile unların tevzîʻ olunduğu mahallere gidildi. Bu bâbda icrâ olunan tahkîkâtın netîcesi ber-vech-i zîrdir: İki bin çuval un, merbût 1 numaralı listede görüleceği vech üzere açlığın hüküm sürdüğü on beş mıntıkaya açlığın şiddeti ve nüfûsun mikdârı ile mütenâsiben muʻayyen mikdârlarda tevzîʻ olunmak üzere Sivastopol Açlar Komitesi'ne teslîm olunmuş idi. Teftîş esnâsında bu on beş mıntıkadan sekiz mıntıkadaki açlara dokuz yüz on yedi çuval unun tevzîʻ edildiği ve nüfûs başına on funddan (Bir fund takrîben dört yüz gramdır.) beş funda kadar isâbet eylediği görüldü. Yalta, Alupka mıntıkasına tahsîs olunan ve Açlar Komitesi tarafından mezkûr mıntıkaya gön- derildiği anlaşılan iki yüz on yedi çuval unun mezkûr mıntıka reîs-i hükûmeti Eminof tarafından hükûmet idâresindeki eytâmhânelere verildiği tahkîkât netîcesinden anlaşılmağla mûmâileyhin bu