HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 17 599 muşdur. Kuru sebze ve et suyu hulâsalarına gelince; 696 sandığı Kırım müslümân eytâmhânelerine ve diğer 1.060 sandığı ise Kazan eytâmhânelerine tevzîʻ edilmişdir. (Vesîka 2, 4) Rusya'da Açlık Beliyesinin Bugünkü Vazʻiyeti Rusya'da bu sene ekinler bin dokuz yüz yirmi senesine nisbeten yüzde kırk ve Kırım'da yüzde yirmi beş nisbetindedir. Kazan'da hayvân zâyiʻâtı 75/100 ve Kırım'da 60/100 nisbetine çıkmışdır. Nüfûsça vukûʻ bulan zâyiʻâta gelince; mikdârı şimdiye kadar iki buçuk milyondan ibâret olmak üzere tesbît edilmiş olup bunun bir buçuk milyonu açlığın hüküm-fermâ olduğu mahallerden firâr ile başka taraflara gitmişler, diğer bir milyonu ise telef olmuşdur. Bu zâyiʻâtın nisbeti açlığın hüküm sürdüğü mahallere göre mütehâlif olup Ural vilâyetinde 25/100, Başkurd'da 20/100, Kırım'da 16/100 nisbe- tindedir. Bu felâketlerin en müdhişi ise, açlık netîcesinde gerek terk-i vatan edenlerin gerek telef olan- ların bırakdıkları iki milyonu mütecâviz eytâm ve maʻlûlîn teşkîl ediyor ki, bunların nısfa karîb mik- dârı müslümândır. Bu dîndâşlarımızın hükûmetin pek cüzʼî bir muʻâvenetinden başka istinâdgâhları olmadığından bu bîçârelere serîʻ muʻâvenetde bulunulmayacak olursa bir kısmının mahvolacağı ve diğer bir kısmının ise nisbeten daha müreffeh bulunan Rus âileleri meyânına karışacağı muhakkakdır! Fî 1 Kânûn-ı Sânî sene 1339/1923 Türk Hilâl-i Ahmer Cemʻiyeti Kırım Heyʼeti murahhasları Süleyman Faik, İbrahim Hakkı" *** Kırım Açlarına Yardım Merkez Komitesi tarafından 21 Teşrîn-i Evvel 1912 târîhiyle Hilâl-i Ahmer Merkezi'ne gönderilen teşekkürnâmenin sûretidir. "-Osmanlı Hilâl-i Ahmer Cemʻiyeti Merkez-i Umûmîsi'ne Kırım Müslümânlarına ikinci defa göndermiş olduğunuz Kurbân Bayramı hediyesini aldık ve tarafınızdan tevdîʻ olunan cedvel mûcebince İslâm ahâlî arasında taksîm ve tevzîʻini taʻahhüd etdik. Aynı zamânda birinci defa göndermiş olduğunuz bin çuval unun da aynı sûretle o zamân gön- dermiş olduğunuz vekîller tarafından vâkiʻ olan teklîf mûcebince tevzîʻ olunduğuna dâir mevcûd olan vesîkaları da Hakkı ve Süleyman Beylere teslîm etdik. Göndermiş olduğunuz mâlların doğru taksîm ve tevzîʻine vekîllerinizin mûşikâfâne tedkîkâtı ve ale'l-umûm basîretleri fevkalâde hizmet etmişdir. Hilâl-i Ahmer'in iki defadan beri bu müşkil zamânlarda göstermekde olduğu âlî-cenâbâne muʻâvenet bizlerde ve bilhâssa aylardan beri dört tarafdan yardım beklemekde olan Kırım açlarında taʻrîfi gayr-ı kâbil sürûr ve minnetdârî uyandırmışdır. Biz ümîd ediyoruz ki, âlî-cenâb Hilâl-i Ahmer Cemʻiyeti, ileride de bizi yani Kırım'ın aç ve sefîl ahâlîsini unutmaz ve elinden gelen her dürlü yardı- mı göstermekden geri durmaz. Bu ümîdimize esâs olarak şunu da diyebiliriz ki, iki ay sonra Kırım'da üç yüz bin kadar küçük