HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 17 600 ve büyük halkın açlığın müdhiş pençeleri altına düşeceği kaviyyen muhtemeldir. Kırım'ın âcilen ihtiyâcı olan şeylerden vekîlleriniz şifâhen bi'l-müşâhede haberdâr edildiklerin- den bu husûsların burada tekrârı zâid addolunur. Her zamân samîmî muʻâvenetinizin minnetdârı olduğumuzu tekrâr ile ihtirâmât-ı fâikamızın kabûlünü istirhâm eyleriz efendim. Mühür: Kırım Açlarına Yardım Merkez Komitesi Aʻzâ: Kırım Merkezi İcrâât Komitesi Riyâset[i] İmzâsı: Bekir Çobanzâde İmzâ: Kırım Açlarına Yardım Merkez Komitesi Reîs Vekîli: Schivedoff [125] İmzâ: Merkez Komitesi Riyâset aʻzâlarından: Ayşe Esmakova, Paplavski İmzâ: Sivastopol Açlarına Yardım Komitesi Vekîl-i Murahhası: Katzman" *** Rusya'da müslümân işleriyle iştigâl eden Nezâret-i İslâmiye'ye merbût Açlara Yardım Komisyonu Riyâseti tarafından Hilâl-i Ahmer'e gönderilen mektûbun sûretini dahi aynen derc ediyoruz: "-En-Nezâretü'l-İslâmiye fî Rusya Lücnetü'l-İʻâneti li'l-Mesâbîn bi'l-mecâʻati'l-müdhişe Moskova Osmanlı Hilâl-i Ahmer Cemʻiyet-i Muhteremesine Rusya Müslümânları Nezâret-i Dîniyesi nezdindeki Açlara Yardım Komisyonu, mürâcaʻat-ı âcizânesini nazar-ı iʻtibâra alarak Rusya'da açlık yüzünden helâke maʻrûz kalan müslümân kardeş- lerine edilen iʻânâta ve vekîlleri Ubeydullah Efendi Bubi ve Tahir İlyas hazretlerine gösterilmiş olan muʻâvenet-i fevkalâde ve teveccühât-ı haseneye mukâbil arz-ı şükrân eder. Hilâl-i Ahmer Cemʻiyet-i muhteremesinin bu yardımı bilhâssa muhterem murahhasları İbrahim Hakkı ve Süleyman Faik Beyleri Rusya'ya iʻzâm eylemesi, iki memleket müslümânları beynindeki uhuvvet ve muhabbetin takviyesine büyük bir sebeb olduğu gibi Devlet-i Aliyye-i Osmaniye ile Rus- ya Hükûmet-i şûriyesi beynindeki dostluğun dahi tezâyüdüne bâʻis olmuşdur. Murahhasların bilhâssa Moskova'yı teşrîfleri sâyesinde Merkez-i İcrâiye Komitesi Reîsi Kali- nin Yoldaş ve diğer ricâl-i devlet ile esnâ-yı mülâkâtlarında İbrahim Hakkı Bey tarafından serd olunan mütâlaʻât-ı müdebbirâne hüsn-i teʼsîr bırakmışdır. Murahhas Hakkı Bey Kazan Müslümânlarının ve komisyonumuzun arzu ve ricâlarını isʻâf ile Kazan'a kadar icrâ-yı seyâhat ederek açlığın devâmlı teʼsîrine maʻrûz halkın Türk kardeşleri tarafın- dan vukûʻ bulan muʻâvenetden ne kadar memnûn ve müteşekkir kaldıklarını bizzât müşâhede bu- yurmaları cümlemizi memnûn ve minnetdâr etmişdir. Binâenaleyh, gerek Hilâl-i Ahmer Cemʻiyet-i muhteremesine ve gerekse ricâmızı kabûl eden muhterem Hakkı Bey'e beyân-ı minnetdârî eyleriz. Türk kardeşlerimiz tarafından gönderilen iʻânâtdan bin altmış sandık konserve el-yevm açlığın sû-i netîcesi yüzünden Rusya'nın her tarafına dağılmış, ana ve babadan mahrûm bî-vâye İslâm yav- rularının himâye ve iʻâşesi için komisyon tarafından Moskova, Ufa ve Kazan'da küşâd edilmiş olan dârüleytâmlara taksîm edilmişdir. Âciz ve sefîl İslâm yavrularının adedi yüz binleri mütecâviz olması iʻtibârıyla muʻâvenete ih-