HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 18 628 Yunanistan Hükûmeti, şimdiye kadar yani iki buçuk seneden beri üserâmızın hakîkî listele- rini vermekden istinkâf ediyor. Türkiye Büyük Millet Meclisi Hükûmeti ile Türkiye Hilâl-i Ahmer Cemʻiyeti'nin faʻâliyeti ve esîrlerimizden bazılarının mektûbları sâyesindedir ki, Yunanistan'ın öte- sinde berisinde mevkûf bulunan esîrlerimizin hâline vâkıf olabiliyoruz. İşte bu cümleden olmak üzere bu defa Türkiye Büyük Millet Meclisi Hükûmeti, Hilâl-i Ahmer maʻrifetiyle âtîdeki noktalar üzerine Yunan Hükûmeti'nin nazar-ı dikkatini celb etdi: "1-Baʻde'l-muzafferiyet, Yunan Hükûmetince isimleri işʻâr kılınan üserâmızın mikdârı 510 zâbit, 6.002 nefer, 318 kıtʻalarına dâir maʻlûmât verilmediğinden sivil telâkkî olunan efrâd, 2.343 Trakya ahâlîsinden sivil efrâd ki, cemʻan 9.173 kişidir. 2-Yunanîlerin Anadolu'dan cebren götürdükleri eşhâsın adedi 10.742'dir. Trakya'dan götürü- lenler beş bine karîbdir. Garbî Anadolu'dan götürülenlerin isimlerine ve nerede bulunduklarına dâir Hükûmet-i Yunaniye maʻlûmât vermemişdir. El-yevm Yunanistan'da isimleri bildirilmeyen üserâmı- zın yekûnu 13.076 kişi tahmîn olunmakdadır. 3-Bu cihetle Müdâfaʻa-i Milliye, Yunanîler üserâmıza âid listeleri tamâmen bize tevdîʻ etme- dikçe tarafımızdan da bi'l-mukâbele Yunan üserâsına âid olanları göndermeyecekdir. 4-Dört aydan beri Korfu adasında bulunan 900 sivil esîrimizin gıdâları bir kuru ekmeğe mün- hasır kalarak sefâlet ve perîşânî içinde yaşadıkları ve üç ayda doksan vefât verdikleri anlaşılıyor. Üserânın iʻâdesi zamânına kadar bu zavallıların şerâit-i hayâtiyeleri müsâraʻaten ıslâh edilmişdir". Bakalım, bu defa da Yunan Hükûmeti'nin hatt-ı hareketi ne olacakdır? _______________ Üserâ Mübâdelesi Lozan'da Türk ve Yunan murahhasları arasında akdolunan bir iʼtilâfnâmeye tevfîkan Türkiye ve Yunanistan'da bulunan bi'l-cümle sivil esîrlerle tekmîl Türk harb üserâsının ve bu harb üserâsının adedine mukâbil Yunan esîrlerinin mübâdelesi takarrür etmişdir. Mübâdele, İzmir civârındaki Urla Tahaffuzhânesi'nde ve İstanbul'da icrâ edilecekdir. Hilâl-i Ahmer, mezkûr tahaffuzhâneye yüz çadır ve malzeme-i sıhhiye ve tebhîriye gönderdi. Mübâdele Türk ve Yunan murahhasları maʻrifetiyle icrâ edilecek ve bu işe Beynelmilel Salîb-i Ahmer Cemʻiyeti ile Cemʻiyet-i Akvâm İstanbul Murahhası Mösyö Burnier ve Beynelmilel Salîb-i Ahmer Cemʻiyeti ve Etfâle Muʻâvenet İttihâdı murahhasların- dan Mösyö Guénod iştirâk edeceklerdir. Bu mübâdele işlerinde İzmir'de Hilâl-i Ahmer'i temsîl edecek zât, Hilâl-i Ahmer Ankara Mu- rahhaslığı erkânından Murahhas Doktor Ömer Lütfi Bey'dir. Mûmâileyh Mösyö Guénod ile berâber İzmir'e müteveccihen hareket etmişdir. Mösyö Burnier İstanbul'da ve Karadeniz'de ibrâz-ı faʻâliyet edecekdir. *** Mübâdele, Türk üserâsından başlayacakdır. Beynelmilel Salîb-i Ahmer Sermurahhası Mîralây Wildbolz cenâbları ve Doktor Page ile Doktor Lindsjoe'nin Atina'ya muvâsalat etdikleri cemʻiyet-i mezkûreden →