HİLÂL-İ AHMER MECMÛʻALARI / CİLT 2

Tü rkiye Hilâl-i Ahmer Mecmû‘ası Sayı 18 631 Salîb ve Hilâl-i Ahmerlere senelik iʻâne iʻtâsı taʻahhüdü mesʼelesi pek mühimdir. Salîb ve Hilâl-i Ahmerlerin husûsî menâbiʻ-i vâridâtı yokdur. Fakat her nevʻ vâridâtdan daha mühim olan halkın teveccühü → [144] Firâr eden Yunanîler tarafından medeniyet (!!) aşısıyla aşılanan yani ihrâk ve tahrîb edilen maʻmûr, güzel ve bahtiyâr Salihli şehrinin enkâzını gösterir levha Tableau représentant les décombres de la florissante et belle ville de Salihli, qui reçut le vaccin civilisation (!!), cʼest-àdire qui fut incendiée et détruite par lʼarmée grècque lors de sa fuite (Sep. 1922) onlar için mühim bir menbaʻdır ve ancak o teveccüh ile yaşayabilirler. Harb-i Umûmî'den evvel Salîb ve Hilâl-i Ahmerlerin faʻâliyeti hemen hemen harb zamânına münhasır gibi idi. Fakat bu dehşetli harbin husûle getirdiği ictimâʻî inkılâbât üzerine artık Salîb ve Hilâl-i Ahmerler için istirâhat ve sükûnet devirleri kapanmışdır. Bütün bu müesseseler durmadan uğ- raşıyorlar ve tabîʻî yalnız kendi memleketlerinin yardımıyla çalışabiliyorlar. Türkiye Hilâl-i Ahmer Cemʻiyeti de milletin ve ehl-i İslâm'ın fedâkârlığı'na istinâden çalışıyor, sulhden sonra dahi çalışmağa devâm etmek mecbûriyetinde bulunduğunu anlıyor. İşte bu mecbûriyete binâen Hilâl-i Ahmer senelik iʻâne iʻtâsı mesʼelesini yeniden tedkîk ediyor. Bizi bu mevzûʻu tekrâr kurcalamağa icbâr eden sâik, Amerikan Salîb-i Ahmer Cemʻiyeti İstanbul Şuʻbesi tarafından neşrolunan aylık rapordur. Bu şuʻbe, Teşrîn-i Evvel - Teşrîn-i Sânî 1922 târîhli raporunda İstanbul'daki Amerikalıların Amerika Salîb-i Ah- meri'ne olan senelik iʻâne taʻahhüdlerinden bahseder iken İstanbul'da mukîm Amerikalıların kısm-ı aʻzamı ile Şark-ı Karîb'deki Amerikan bahriye kıtaʻâtının yüzde yüzünün, Amerikan Salîb-i Ahme- ri'ne aʻzâ olduklarını müftehirâne kaydediyor!.. Faʻtebirû…. _______________