HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 18 634 Amerika Salîb-i Ahmer Cemʻiyeti'nin Yeni Bir Teberruʻu Hilâl-i Ahmer'imize birçok iyilikleri dokunanAmerika Salîb-i Ahmer Cemʻiyeti, bu defa cemʻi- yetimize büyük ve küçük yirmi altı çadır teberruʻ etdi. Amerika Salîb-i Ahmer Cemʻiyeti'nin İstanbul Murahhaslığı Âfât ve Mesâib Şuʻbesi Müdürü Mister Claflin Davis'in cemʻiyetimize yazdığı mek- tûbda bu çadırların İzmir ve Bursa civârında yurdsuz kalmış olan harîkzedegânın iskânı husûsunda kullanılmasını ricâ ediyor. Hilâl-i Ahmer Cemʻiyeti, Amerikan Salîb-i Ahmer Cemʻiyet-i muhteremesine bu yeni teberruʻ- dan dolayı da ayrıca arz-ı şükrân ve minnetdârî eylemeği vazîfe addeder. _______________ Muvâsalat Beynelmilel Salîb-i Ahmer Cemʻiyeti ve Etfâle Muʻâvenet İttihâdı murahhaslarından Mösyö Henri Guénod bu iki [147] cemʻiyete müteʻallik bazı husûsâtın tesviyesi için İstanbul'a muvâsalat etmişdir. Bu zâtın Asinara esîrleri ve Manisa ve civârı harîkzedegânı mesʼelelerinde hayırlı hidemâtı sebk etmiş olduğunu ayrıca kaydederiz. _______________ Hilâl-i Ahmer'in Trakya'daki Faʻâliyeti Hilâl-i Ahmer'in anavatana iltihâk eden Trakya'ya müteʻaddid seyyâr tabîb gönderdiği maʻlûm- dur. Bu defa Seyyâr Tabîbler Müfettişi Doktor Rifat Bey'den vârid olan bir rapordan âtîdeki maʻlûmâtı iktibâs ediyoruz: Kırkkilise Dispanser hâlinde küşâd edilen bu müessese, ibtidâlarda mürâcaʻat eden hastaları meccânen muʻâyene ve onlara meccânen ilâc iʻtâ etmiş ve bilâhare yani 24 Kânûn-ı Evvel 1338'de [Aralık 1922] hastahâneye münkalib olmuşdur. El-yevm bu hastahâne otuz yataklık bir müessesedir. Çorlu On yatak ile işe başlamış olan Çorlu Hastahânesi, el-yevm yirmi yatağa mâlikdir. Vize Hastaları meccânen muʻâyene ve onlara meccânen ilâc iʻtâ eden bir dispanser ile mücehhezdir. Edirne Edirne Hilâl-i Ahmer Hastahânesi, ilk zamânda poliklinik şeklinde ibrâz-ı faʻâliyet etmiş ve