HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 18 636 âmilesinden Makinist Ali Rıza ve şoför arkadâşları tarafından 5 İngiliz lirası, Hindistan'da Madras müslümân tüccârı tarafından Hâriciye Vekâleti Dersaadet Murahhaslığı vâsıtasıyla 700 İngiliz lirası, Londra'da Emir Ali hazretleri tarafından 150 İngiliz lirası, Amerika'da Peabody şehrinde Harputlu Hamurkâr İbrahim vedâʻatıyla şehr-i mezkûr ahâlî-i İslâmiyesi nâmına 25 dolar, Romanya'da Ga- laç'da mukîm Köseoğlu Mehmed Hilmi Beyefendi ve zevcesi Zekiye Hanım'dan 30,5 İngiliz lirası, Bulgaristan'da Vidin'de Tenvîr-i Efkâr Müslümân Kulübü tarafından 84 Osmanlı lirası, Amerika'da Philadelphia ahâlî-i İslâmiyesi nâmına Haydar Hüseyin Efendi vedâʻatıyla 24 İngiliz lirası, on bir şilin ve altı pens gelmişdir. Hilâl-i Ahmer, bütün bu müteberriʻîn ve mütevassıtîn-i kirâma arz-ı şükrân eder. _______________ Hilâl-i Ahmer Dispanserleri Geçen Kânûn-ı Sânî zarfında Hilâl-i Ahmer'in Fatih Dispanseri'nde 1.253 ve Üsküdar Dispan- seri'nde 1.054 hasta muʻâyene edilmiş ve muʻâyene edilenlere ilâc dahi verilmişdir. Bundan başka, Cağaloğlu Hastahânesi'ne mürâcaʻat eden 1.030 hastadan 485'ine meccânen ilâc iʻtâ edilmişdi[r.] _______________ Mukaddes Vazîfelerimiz Hilâl-i Ahmer'e yardım edelim. Tarsus'da çıkan Tarsus gazetesinde 30 Kânûn-ı Sânî 1338 [Ocak 1922] târîhli numarasında bâlâdaki serlevhalar ile âtîdeki makâleyi neşrediyor: "-Her millet ve cemʻiyetin mukaddes gâyeleri, mefkûreleri vardır ki, her ânında, her icrâât ve faʻâliyetinde bunları nazarları önünde bulundurur ve hatt-ı hareketini, programını, tarz-ı mesâʻîsini ona göre tertîb ü ihzâr eder. Biz bunu ferdler üzerine tatbîk etmek, ferdlerin menâfiʻ-i şahsiye ve umûmiyelerinde gözetme- leri vicdânen elzem olan bazı bilgileri tesbît etmek istiyoruz ki, bunlardan birincisi birbirimize ve bu sûretle kendi kendimize muʻâvenet eden müesselerimize yapmakda borçlu bulunduğumuz yardım- lardır. Milletimiz, son on dört seneden beri mütemâdî cidâller içindedir. Bu zamân zarfında sâhibi bu- lunduğumuz vâsiʻ ülkelerden kısm-ı aʻzamı elimizden gitdi. Bugün akıtdığımız kanlar, gösterdiğimiz kıymetdâr fedâkârlıklarla ancak anavatanımızı kurtarabildik. Tedkîke muhtâcdır ki, her dürlü cengimizde, her dürlü felâket ânımızda bize dâimâ bir yardımcı bulduk. O, bize müşfik ve rehâkâr ellerini uzatdı. Mecrûhlarımızın yaralarını sardı, şehîdlerimizin yavrularına bakdı, yıkılan yurdlarımızda çıplak kalanlarımıza elbise ve gıdâ verdi, muhâcirlerimizin imdâdına koşdu, gözyaşlarımızı dindirdi. Bu rahîm kalb, Hilâl-i Ahmer'imizin kalbi; bu şefîk göz, Hilâl-i Ahmer'imizin gözü; bu rehâkâr el yine o muhterem Hilâl-i Ahmer'imizin elidir. Şimdi buna karşı hepimizin yapması elzem olan bü- yük ve mukaddes bir vazîfe var: Elbirliğiyle, emel birliğiyle zenginimiz, fakîrimiz →