HİLÂL-İ AHMER MECMÛʻALARI / CİLT 2

Tü rkiye Hilâl-i Ahmer Mecmû‘ası Sayı 18 639 Ferdin ferde yardımı, arzu edildiği derecede müsmir olamıyor. Bu, tecrübelerle anlaşılmışdır. Öyle ise, biz Hilâl-i Ahmer'e yardım edelim, o da muhtâc-ı muʻâvenet kardeşlerimize yapılması lâzım gelen her işi yapsın… Hilâl-i Ahmer'i unutmayalım; ona yardımı hepimiz mukaddes bir gâye olarak kabûl edelim". Hilâl-i Ahmer Mecmûʻası refîk-ı muhtereminin bu teşvîk-âmîz makâlesinden dolayı takdîm-i teşekkürât eder. [150] Âsâr-ı Münteşire Sıtma Sıtma hakkındaki vâsiʻ tetebbuʻât ve tedkîkâtı bütün cihânda maʻrûf ve maʻlûm olan Ham- burg'daki memâlik-i hârre hastalıkları müessesesinin müdürü, esâtize-i tıbdan Muʻallim Nuht ve Muʻallim Martin Mayer Sıtma nâmındaki eserleri ahîren Muʻallim Doktor Tevfik Salim Bey tara- fından ince ve selîs bir ifâde ile Türkçe'ye nakledilmişdir. Eserin Türkçe tabʻında dahi Almanca ta- bʻındaki nefâsetinin muhâfazası bilhâssa nazar-ı dikkate alınmış ve klişeler sûret-i mahsûsada büyük masraflar ihtiyârıyla Almanya'dan celb edilmek sûretiyle hâsıl olmuşdur. Edebiyât-ı tıbbiyede pek mühim bir mevkiʻi olan bu eseri, bütün etıbbâya tavsiye ederiz. Fiyâtı yalnız masârıf-ı tabʻiyesinden ibâret olmak üzere bir liradır. İhtâr.- Bu mühim ve güzel eser, Hilâl-i Ahmer Cemʻiyeti Ankara Heyʼet-i Murahhasası tarafından tabʻ ve neşredilmişdir. HİLÂL-İ AHMER SEMT TEŞKÎLÂTI Hilâl-i Ahmer'e Vâridât Teʼmîni Mesʼelesi 16'ncı numaramızda Hilâl-i Ahmer Semt Teşkîlâtı hakkındaki taʻlîmâtnâmeyi neşretmiş idik. Bu defa bu taʻlîmâtnâmeyi itmâm ve tenvîr etmek maksadıyla Hilâl-i Ahmer Merkez-i Umûmîsi Muhâsebe Müdürü Bedri Nedim Bey tarafından matbûʻâta iʻtâ edilen maʻlûmâtı da buraya nakledi- yoruz: "-Hilâl-i Ahmer Cemʻiyeti on iki seneden beri hâl-i faʻâliyetde bulunuyor. Bu müddet zarfında memleketimiz mütemâdî harblere ve mütevâlî musîbetlere maʻrûz kaldığı için cemʻiyet de bu harb ve felâketlerin tevlîd etdiği ihtiyâcâtı tehvîne çalışmışdır. Yeniden teessüsüyle berâber bir tarafdan teşkîlâtını ikmâle, diğer tarafdan faʻâliyetini tanzîme çalışmak mecbûriyetinde kalan Hilâl-i Ahmer Cemʻiyeti, birçok müşkilâta ve mahrûmiyetlere rağmen bu geçen on iki senelik hayât-ı faʻâliyetinde muvaffak olduğuna, halkın cemʻiyete karşı perverde ve ızhâr eylediği teveccüh ve emniyet-i tâmme- ye istinâden kâniʻdir. Bu cemʻiyet milletin mâlı olduğu için bunun muvaffakiyâtıyla hepimizin iftihâr etmeğe hakkı- mız vardır. Ancak bu hiss-i iftihârı duyarken bu müessese-i hayriyeyi yaşatmak çârelerini bulmak da her