HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 18 640 ferdin insânî bir vazîfesidir. Hilâl-i Ahmer şimdiye kadar memâlik-i İslâmiye'deki dîndâşlarımızın ve kendi vatandâşlarımızın iʻâneleriyle îfâ-yı vazîfe etmişdir. Takdîr buyurursunuz ki, iʻâne mikdârı tahmîn ve takdîr edilemeyecek bir menbaʻ olduğu için muʻayyen bir menbaʻ-ı vâridât addedilemez. Bazı mühim zamânlarda iʻâne mikdârı azalır veya çoğalır. Şu hâlde Hilâl-i Ahmer'in idâme-i mev- cûdiyeti ve şimdiye kadar teşebbüs etmeğe imkân-ı mâddî göremediği bazı esâslı hidemât-ı ictimâʻi- yenin îfâsı için bunların istilzâm edeceği masârıfı emîn ve muʻayyen bir menbaʻdan teʼmîn eylemesi zarûrîdir. Bu masârıf teʼmîn edilirse Hilâl-i Ahmer ebediyen pâyidâr olur ve bunun hâricinde gelecek iʻâne vesâir vâridât ise hidemât-ı fevkalâdeye hasr ve sarf olunur. Her müterakkî memleketde bizdeki Hilâl-i Ahmer gibi Salîb-i Ahmer Cemʻiyetleri vardır. Bu cemʻiyetlerin en ziyâde güvendikleri menbaʻ, muʻâvin ve muzâhir aʻzâsının muʻayyen zamânlarda iʻtâsını taʻahhüd etdikleri mikdâr-ı iʻânedir. Bu gibi aʻzânın adedi hangi Salîb-i Ahmer'de daha ziyâde ise o Salîb-i Ahmer'in serveti o nisbetde emîn addolunur ve her Salîb-i Ahmer, icrâât raporunun ilk faslında [151] bu adedin çokluğuyla iftihâr eylediğini âleme iʻlân eder. En ufak memleketlerin Salîb-i Ahmerlerinde bile aʻzânın adedi milyondan aşağı değildir. Buna mukâbil biz her dürlü müşkilât ve mahrûmiyetler içinde keyfiyet iʻtibârıyla diğer Salîb-i Ahmerler- den daha fazla muvaffakiyet ibrâz etmiş olmakla iftihâr etdiğimiz hâlde aʻzâmızın adedini raporla- rımızda zikretmekden ictinâb ediyoruz. Çünkü o aded henüz taʻayyün etmemişdir. İnşâallah bugün tasavvur etdiğimiz teşkîlâtın sarf edeceği mesâʻî netîcesinde bu adedi bizim de iftihâr edebileceğimiz bir dereceye vardırmak mümkün olur. Şimdiye kadar bu teşebbüsde bulunmakdan bizi menʻ eden iki sebeb vardı: Biri, fevkalâde şerâit altında mütemâdiyen çalışmakdan dolayı vakit bulamamak, diğeri de bu yoldaki teşkîlâtın halk nezdinde arzu etdiğimiz hüsn-i kabûl[e] mazhar olacağına kanâʻat getir- memiş olmak idi. Bugün vazʻiyet büsbütün başkadır. Son seneler zarfında maʻrûz kaldığımız felâketler herkesin gözünü açdı ve herkesde millî ve vatanî işlere karşı büyük bir alâka ve derîn bir merbûtiyet hissi uyandırdı. Aynı zamânda biz de biraz düşünmeğe ve esâslı teşkîlât vücûda getirmeğe vakit bulduk. Bu teşkîlâtımızın en büyük sermâye-i muvaffakiyâtı addetdiğimiz emniyet ve iʻtimâd-ı umûmîye ise şu son on iki senelik mesâʻî netîcesinde kazanmış olduğumuza kanâʻat getirdik. Şu hâlde iktisâb edilen teveccüh ve iʻtimâd ve halkda hâsıl olan umûmî galeyân ve alâka gibi iki mühim âmil-i muvaffakiyet istihsâl edildikden sonra bugünkü teşkîlâtımızın mevkiʻ-i tatbîke vazʻ edilmesi için en müsâʻid zamân telâkkî etmekde haklıyız. Binâenaleyh her polis mıntıkasında, bu mıntıkanın vüsʻatine göre bir veya iki heyʼet teşkîl ediyoruz. Bu heyʼetlere 'Hilâl-i Ahmer Cemʻ-i İʻânât Heyʼeti' unvânı verilmişdir. Bu heyʼetlerin vazî- feleri ve tarz-ı faʻâliyetleri bir taʻlîmâtnâme ile tanzîm edilmişdir. Heyʼetler, aʻzâsının adedini semtin vüsʻatine göre ihtiyâc nisbetinde tezyîd edebileceklerdir. Şurası bilhâssa bilinmek lâzımdır ki, heyʼet- lerimizin aʻzâsı, vazîfelerini fahriyen îfâ edeceklerdir. Heyʼetler ayrı ayrı daʻvet edilerek tarz-ı mesâʻî hakkında kendilerine mufassal maʻlûmât veril- mişdir. Bilhâssa nazar-ı ehemmiyete almaları lâzım gelen noktalar şu sûretle îzâh edilmişdir: 1-Mıntıkaları dâhilindeki ahâlî-i kirâma mürâcaʻat ederek Hilâl-i Ahmer'in istiʻâne etdiğini ve herkese müfîd olan bu yardım ocağını yaşatmak için maʻîşetine ve tarz-ı hayâtına halel îrâs etmeye- cek bir mikdârda iʻâne vermeği taʻahhüd etmesini ricâ edecekler ve taʻahhüd edilecek mikdârın ne kadar cüzʼî olursa olsun, Hilâl-i Ahmer için pek büyük bir kıymeti hâiz olacağını ve bu muʻâvenetin kolaylıkla edâ edilebilecek insânî bir borç telâkkî edilmesini beyân edeceklerdir.