HİLÂL-İ AHMER MECMÛʻALARI / CİLT 2

Tü rkiye Hilâl-i Ahmer Mecmû‘ası Sayı 18 641 2-Heyʼetlerimiz, taʻahhüdâtı tesbît ederken sırf sâika-i hamiyetle muʻâvin aʻzâlığı kabûl edecek zevâta tahammül edemeyeceği bir yükü tahmîl etmekden katʻiyen ictinâb edeceklerdir ve herkesin gönlünden kopan mikdârı velev ayda, üç ayda, altı ayda beş kuruş olsun kabûl edeceklerdir ki, bilhâs- sa bu noktaya nazar-ı dikkati celb ederiz. 3-Heyʼetlerimiz taʻahhüdâtda bulunan zevâtdan alacakları mümzâ taʻahhüdnâmeye mukâbil kendilerine birer cüzdân verecekler ve her taksîtdeki tahsîlâta mukâbil iʻtâ edecekleri makbûzun nu- marası bu cüzdâna derc edilerek zîri tahsîl eden zât tarafından imzâ edilecekdir. Bu cüzdânlar aʻzâ-yı muʻâvinemizin nezdinde kalacak ve bu sûretle bir zâtın müddet-i hayâtın- da Hilâl-i Ahmer'e vereceği iʻâne mikdârı târîh sırasıyla orada görülebilecekdir. 4-Hilâl-i Ahmer, halkın katʻiyen ihmâl etmeyeceği cihetle bu cüzdânlarımızı hâmil olan muʻâ- vin aʻzâmıza verdikleri paranın Hilâl-i Ahmer Veznesi'ne tamâmen vâsıl olduğu kanâʻatini vermek için bu gibi zevâta arzu ve ihtiyâc hissetdikleri zamân mensûb oldukları semt heyʼetlerine ve hattâ Hilâl-i Ahmer Merkez-i Umûmîsi'ne mürâcaʻatla künye defterlerinden kendi nâmlarına tahsîs edilen sahîfedeki kuyûdât ile ellerindeki cüzdân muhteviyâtını karşılaştırmak hakkı verilecekdir. Bu sûretle halkça en ufak bir şübhe ve tereddüdün husûlüne mümânaʻat olunarak emniyet ve iʻtimâd-ı umûmîyi tezyîd ve takviye edecek ince kontrol usûllerinin ittihâz [152] edilmiş olduğuna herkes kâniʻ olabile- cekdir. 5-Garbî Anadolu'da tahrîb edilen mıntıkalarda yaşayan yüzbinlerce felâketzede vatandâşlarımı- za giyecek, yiyecek ve barınacak vesâit teʼmîn etmek ve hastalarını tedâvî ve ilâclarını meccânen iʻtâ etmek üzere mevcûd olan Hilâl-i Ahmer'in yardım teşkîlâtı vazîfelerini îfâya çalışıyorlar. Bu yardım işinin menbaʻını kurutmamak, nisbeten daha müreffeh bir hayâta mazhar olan İstan- bul ahâlîsine teveccüh eden en ulvî bir vazîfe olduğundan bu zavallıların bilhâssa giyecek ihtiyâcla- rını teʼmîn etmek için de semt heyʼetlerimiz sarf-ı gayret ü himmet edeceklerdir. Biz kimseden yeni çamaşır ve levâzım istemeyeceğiz. Yalnız herkesin mâlik olduğu eşyâdan müstağnî kalabileceği bir parçasının bu felâketzedelere îsâl edilmek üzere iʻtâsını taleb edeceğiz. Bu eşyâ ne olursa olsun, hattâ tek bir çorab dahi olsa onun da müfîd olacağına bi'l-müşâhede emîn olduğumuz için insâniyet-perver halkımıza güç gelmeyeceğini zannetdiğimiz bu tarz-ı muʻâveneti bilhâssa arz ve tavsiye ederiz. İstanbul'daki yüz binlerce sekenenin her birinden bir parça müstaʻmel eşyâ alırsak az zamân zarfında yüz binlerce çıplağı giydirecek vesâiti ihzâr eylemiş olacağız. 6-Semt heyʼetlerimiz toplayacakları eşyâ-yı ayniyeye mukâbil makbûz verecekler ve bu mak- bûzlara eşyânın evsâfını mümkün olduğu kadar sarâhatle derc ederek dip koçanlarını müteberriʻlere imzâ etdireceklerdir. Verdiğim îzâhâtdan anlaşılıyor ki, teşkîlâtımız o kadar amelî usûllere tâbiʻ tutulmuşdur ki, buna cemʻ-i iʻânât heyʼetlerindeki fedâkâr aʻzânın gayret ü himmeti de inzimâm ederse aʻzamî muvaffaki- yet teʼmîn edileceği muhakkakdır". ***