HİLÂL-İ AHMER MECMÛʻALARI / CİLT 2

688 İkinci Sene 28 Receb sene 1341 / 15 Mart sene 1339 (1923) Numara 19 Makâlât ve İʻlânât, Neşriyât ve Teşvîkât Komisyonu Kitâbeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Ayda Bir Defa Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 1783 Hilâl-i Ahmer'e gönderilecek mektûb, para, eşyâ ve bi'l-cümle teberruʻât, "Dersaadet'de Hilâl-i Ahmer Cemʻiyeti Riyâseti" nâmına irsâl edilmelidir. Mündericât: Câmiʻ ve Bayram Günleri – Hilâl-i Ahmer Havâdisi – Hilâl-i Ahmer Semt Teşkîlâtı – Teberruʻât – Fransızca Kısmı – İngilizce Kısmı _______________ HİLÂL-İ AHMER'İN CÂMİʻ VE BAYRAM GÜNLERİ Hilâl-i Ahmer, Salîb-i Ahmerler ve diğer bütün müessesât-ı hayriye gibi erbâb-ı hayr u ha- senâtın muʻâvenet-i mâddiye ve maʻneviyeleriyle yaşar ve inkişâf eder. Muʻâvenet ya doğrudan doğruya erbâb-ı hayr u hasenât tarafından yâhûd müessesât-ı hayriye tarafından sûret-i münâsibede istihsâl olunur. Harb-i Umûmî esnâsında teʻâvün kuvvetlerini pek ziyâde yükselten Salîb-i Ahmerler, vâridât-ı menâbiʻi bulmak için muhtelif vâsıtalara mürâcaʻat etmişlerdir. Bu vâsıtalardan biri de Cemâhîr-i Müttefika-i Amerika'da ve İngiltere'de "Church Day", yani "Kilise Günü" taʻbîr olunandır. Bu iki memleketin Salîb-i Ahmer Cemʻiyetleri senenin birkaç muʻayyen gününde bütün kiliselerde para toplamak usûlünü tatbîk eylemek sûretiyle pek parlak muvaffakiyetler elde etmişlerdir. Amerika ve İngiliz Salîb-i Ahmerlerinin vâridât fasıllarından en mühimini teşkîl eden "Kilise Günü" bu iki cemʻi- yete mühim vâridât teʼmîn ediyor. Türkiye Hilâl-i Ahmeri de geçen sene, Ramazân ve Kurbân bayramlarının ilk günlerini Câmiʻ ve Bayram Günleri ittihâz etdi. Bu iki mübârek günde bayram namâzına giden her müslümân, câmiʻ-i şerîfe konacak bir kutu veya tepsiye Hilâl-i Ahmer için gönlünden ne kopar ise atar. Bu âdet-i müstah- sene, Türkiye'nin her tarafında, en küçük köylerin câmiʻ ve mescidlerine kadar teşmîl edilemez mi? Bu sûretle her müslümân ve Türk Ramazân ve Kurbân Bayramlarının ilk günlerinde, bayram namâ- zının edâsından sonra Hilâl-i Ahmer'i yani yaralı askerleri, şehîd askerlerimizin eytâm ve erâmilini, harîkzedegânı, fukarâyı ve muhâcirleri düşünmek fırsatını elde etmiş olur. Avrupa ve Amerika'daki dîn kardeşlerimizin bulundukları yerlerde câmiʻ olmadığından bunlar da bayramlaşmak için toplan- dıkları yerlerden istifâde ederler.