HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 19 693 Hilâl-i Ahmer'in ve İʻâde-i Üserâ Komisyonu'nun haklı ısrârları üzerine Yunanistan'ın nihâyet esîrlerimizi iʻâde etmeğe karâr verdiği Mîralây Wildbolz tarafından dün akşâm Hilâl-i Ahmer Merke- zi'ne bâ-telgrafnâme bildirildi. _______________ Yunanistan'daki Esîrlerimizin Vazʻiyet-i Elîmesi Âtîdeki makâleyi 24 Şubat târîhli İkdâm gazetesinden iktibâs ediyoruz. Mündericâtı her dürlü tefsîrden müstağnîdir: "-Atina'da Liossa Üserâ Karârgâhı'ndan Öğüd refîkimize bildiriliyor: Bizi burada en ziyâde dilhûn eden cihet, yapılan mezâlim ve fecâyiʻi anlatamamakdır. Şiddet- li bir sansür her şeyi siliyor, mahvediyor. Ara sıra üserânın ahvâlini yakından görmek üzere gelen heyʼetlere bile vazʻiyet-i hakîkiyeyi söylemek mümkün değil. Küçük bir ifşâ-yı sır, sizi hayâta vedâʻ etdiriyor. Yemekler kâbil-i ekl olmadığı gibi su da şürbe sâlih değildir. Evvelce hemen üç dirhem kadar az alınmakla berâber bir dereceye kadar içilebilen bir su vardı. Bu su bir şirket tarafından isâle olunuyordu. Ara sıra tekâsît-i muʻayyenesi tesviye edilmediği zamânlar kesilirdi. Beş ayı mütecâviz zamândan beri tamâmen kesildi. Müdhiş bir susuzluk, sahrâ-yı Kerbelâ'yı andırıyor. Cenâb-ı Hakk'ın behâyimden bile dirîğ etmediği suyu bin müşkilâtla civâr bâğçelerin kuyularından taşıyoruz. Bu da Yunan neferlerinin günde bir defa lütfuna vâbestedir. Karârgâhın içinde ağzı açık üç metre kutrunda bir kuyu vardır. Suyu berbâd, müteʻaffindir. Hangi miʻdeye girerse dizanteri evcâʻı başgösteriyor. Gıdâsızlığa ve susuzluğa zamîmeten zemîni çukur, yağmurdan, fırtınadan yırtılmış ince bir çadır be- zinin altında hayâtını muhâfazaya çalışan üserâ → [184] Firâr eden Yunanîler tarafından medeniyet (!!) aşısıyla aşılanan yani ihrâk ve tahrîb edilen güzel, maʻmûr ve bahtiyâr Karacabey şehrinin enkâzını gösterir levha