HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 19 697 bîʻî bildikleri intikâma karşı, Yunanlılarca müsellem olan Türklerin necâbet ve ulviyetleri dolayısıyla bize hayırhâhâne, âdilâne ve hattâ düşman değil bir misâfir sûretiyle âlî-cenâbâne muʻâmelelerini maʻa'l-memnûniye gördüğümüzü ve görmekde olduğumuzu iʻlân etmek mecbûriyetini hissediyoruz ve hakîkatü'l-emirde bütün Yunan milleti, düşman bildiği Türklerin insâniyetkârâne muʻâmeleleri- ne ve muttasıf oldukları fezâil-i ahlâkiyelerine ebediyen medyûn kalmaları vicdânî, insânî bir hakî- kat olduğunu hükûmet-i metbûʻamıza alenen iʻlân ediyoruz. Bilhâssa Erzincan Mevkiʻ Kumandanı Kâimmakâm Halis Bey'den gördüğümüz iyilik ve insâniyete karşı minnetdârlığımızı iʻlân etmeğe vicdânımız bizi sevk ediyor. Hayât ve râhatımız kendi Türk askerinden kat kat iyi olmakda olduğunu ketm etmek iktidâr-ı insânîsini kendimizde bulamıyoruz. Binâenaleyh bazı cerâidin Türkler hakkın- daki erâcîfleriyle Yunanistan'daki âile ve akrabâlarımızı râhatsız etmek gibi hâllerini red [188] ve Türk milletine arz-ı şükrân eyleriz. Tüccârdan Manitos, İkinci Kapudan Petro Blika, Birinci Makinist Dimitri Manolyan; Enosis vapuru üserâsından Birinci Kapudan Andreya Karandinos, bu dahi İstavri Kaytandis, Üçüncü Kapudan Betabi Frankopulos, Birinci Makinist Egil Vebamandamil, Yolcu Mihal Zervus, İkinci Makinist Kosti Hristaki; Urania Vapuru Makinisti Dimitri Mihaliçyanos, Yani Boyalidis, tüccârdan Haralambos, bu dahi Totoridis, kadın Madam Sofya Romanos; Enosis vapuru tüccârından Dimitri Lagondopulos, bu dahi Totozergos". _______________ Türkiye Büyük Millet Meclisi'nde Hilâl-i Ahmer Türkiye Büyük Millet Meclisi'nde sene başlangıcı ictimâʻı münâsebetiyle 1 Mart 1339'da [1923] Meclis Reîs-i Âlîsi Başkumandan Gâzî Müşîr Mustafa Kemal Paşa hazretleri tarafından îrâd olunan nutk-ı mühimden Hilâl-i Ahmer'e taʻalluku olan ber-vech-i âtî cümleleri iktibâs ediyoruz: "-Hilâl-i Ahmer, Himâye-i Etfâl, Müdâfaʻa-i Hukûk, Asker Âilelerine Yardımcı Cemʻiyeti gibi müteşekkil heyʼetlerin ve 'bilhâssa Hilâl-i Ahmer'in' ibrâz etdikleri mesâʻî-i meşkûre takdîrlere sezâdır". _______________ Teberruʻ New York'daki müslümânlar ve Musevîler tarafından tedârük olunmuş olup muhâcirlere mah- sûs elbiseyi hâvî olan yirmi beş sandık, şehr-i mezkûrdaki Osmanlı Teʻâvün Cemʻiyeti tarafından Fabre Line Şirketi'nin Madona vapuruyla cemʻiyetimize gönderildi. Amerika gibi uzak yerlerdeki muhterem vatandâşlarımıza bu teberruʻa iştirâk eylediklerinden, Fabre Line Şirketi'ne bu yirmi beş sandığı meccânen nakletdiğinden dolayı muhâcirîn nâmına arz-ı şükrân ederiz. _______________ Mısır Hilâl-i Ahmer Cemʻiyeti'nin Türk Eytâmına Yardımı Mısır Hilâl-i Ahmer Cemʻiyeti Ankara Himâye-i Etfâl Cemʻiyeti'ne gönderilmek üzere Hilâl-i Ahmer'e iki yüz İngiliz lirası irsâl ve tevdîʻ eyledi. Cemʻiyetimiz Türk eytâmı nâmına, bu muhterem ve dîndâş hemşîreye arz-ı şükrân eder. _______________