HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 19 698 Mösyö Schlemmer Geçen nüshamızda Çin'de ve Felemenk Hindistanı'nda Hilâl-i Ahmer için iʻâne komiteleri teş- kîl vazîfesiyle Hilâl-i Ahmer ve Beynelmilel Salîb-i Ahmer tarafından o havâlîye iʻzâm edilmiş ol- duğunu yazdığımız Mösyö Schlemmer, Hindistan'a dahi uğradıkdan sonra şehrimize muvâsalat ve merkezimizi ziyâret etmişdir. _______________ [189] Cemʻ-i İʻânât Heyʼetlerinin Faʻâliyeti Fatih Cemʻ-i İʻânât Heyʼeti'nin resm-i küşâdı 23 Şubat [1]339 [1923] Cuma günü merâsim-i mahsûsa ile icrâ edilmişdir. Heyʼetin merkez-i faʻâliyeti olmak üzere Fatih'de Reşâdiye Oteli Sâhibi Halid Bey tarafından otel dâhilindeki iki oda bilâ-ücret bu emr-i hayra tahsîs edilmişdir. Merâsime, bahriye muzıkası ve mekteb talebeleri ve izcileri iştirâk etmişler ve merkez-i umûmî nâmına da aʻzâ- dan Edhem Pertev ve Muhâsebe Müdürü Bedri Nedim Beyler hâzır bulunmuşlardır. Heyʼetin reîsi Kimyâger Akif Bey, Hilâl-i Ahmer'in îfâ eylediği kıymetdâr hizmetleri yâd ve îzâh eden kısa bir nu- tuk îrâd ve merkez-i umûmînin hidemât ve faʻâliyetinin istilzâm etdiği vesâiti ihzâra kendi mıntıka- ları dâhilinde aʻzamî derecede sarf-ı mesâʻî edeceklerini beyân eylemişdir. Muhâsebe Müdürü Bedri Nedim Bey bi'l-mukâbele "cemʻ-i iʻânât heyʼetleri teşkîlâtının Hilâl-i Ahmer'e teʼmîn edeceği fevâidi îzâh ve bu fâidelerin ancak yorulmadan ve usanmadan azîmkârane sarf-ı mesâʻî etmekle kâbil-i istih- sâl olacağını ve Fatih heyʼetinin ibrâz eylediği himmet ü gayretin bilhâssa şâyân-ı takdîr ve şükrân görüldüğünü" beyân eylemişdir. Baʻdehû ulemâ tarafından belîğ bir duʻâ kırâʻat edilmiş ve hâzırûna çay ve pastalar ikrâm edildikden sonra merâsime nihâyet verilmişdir. _______________ İrtihâl Hilâl-i Ahmer Hanımlar Merkezi Kâtibe-i Umûmiyesi Nezihe Veli Hanımefendi'nin zevcleri ve Hilâl-i Ahmer Merkez-i Umûmîsi Tahrîrât Kâtibi Safvet Şav Bey'in kâinpederi Veli Bey'in irtihâl-i dâr-ı bekâ eylediğini kemâl-i teessüfle haber aldık. Hilâl-i Ahmer Mecmûʻası , senelerden beri Hilâl-i Ahmer'e hidemât-ı hasenede bulunmuş ve bulunmakda olan muhterem Nezihe Veli Hanımefendi ile Safvet Şav Bey'e arz-ı taʻziyet eyler. _______________ Hilâl-i Ahmer Dispanserleri Geçen Şubat zarfında Hilâl-i Ahmer'in Fatih Dispanseri'nde 1.184 ve Üsküdar Dispanseri'nde 949 hasta muʻâyene edilmiş ve muʻâyene edilenlere ilâc dahi meccânen verilmişdir. Bundan başka Cağaloğlu Hastahânesi'ne mürâcaʻat eden 990 hastadan 445'ine meccânen ilâc iʻtâ edilmişdir. _______________ Hilâl-i Ahmer'e Hâricden Gelen Muʻâvenetler Bulgaristan'da Burgaz kazâsı ahâlî-i İslâmiyesi'nden Hâriciye Vekâleti Dersaadet Murahhaslı- ğı vâsıtasıyla 100 Osmanlı lirası, Bulgaristan'da Yenipazar kasaba ve kurâsı ahâlî-i İslâmiyesi'nden 9.000 leva, Mısır Hilâl-i Ahmeri'nden Ankara Himâye-i Etfâl Cemʻiyeti için 200 İngiliz lirası, Bulga- ristan'da Burgaz'a tâbiʻ Ahyolu ve Aydos dâhilinde bulunan kurâ ahâlî-i İslâmiye'sinden 584 Osmanlı lirası, Bulgaristan'da Razgrad ve mülhakâtındaki ahâlî-i İslâmiye'den 81.193 leva gelmişdir. Hilâl-i Ahmer, bütün bu müteberriʻîn ve mütevassıtîn-i kirâma arz-ı şükrân eder.