HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 20 742 [217] İrtihâl-i Müessif Hilâl-i Ahmer'in sâbık reîs-i evveli, Sadr-ı esbak ve sâbık Viyana Sefîr-i Kebîri muhterem Hü- seyin Hilmi Paşa'nın Viyana'da tasallüb-i şerâyin hastalığından vefât eylediğini azîm teessüfler ile haber aldık. Merhûm-ı müşârunileyh, Balkan Harbi'nden iʻtibâren bundan iki sene evveline gelinceye kadar cemʻiyetimizin mevkiʻ-i riyâsetini işgâl etmişdir. Balkan Harbi'nin zuhûrunu müteʻâkib, merhûm reî- simiz Hindistan ahâlî-i İslâmiyesi'ne bâ-telgraf mürâcâʻat ederek Hilâl-i Ahmer'e yardımlarını taleb etmiş ve teşebbüsâtında fevkalâde muvaffak olmuşdur. Harb-i Umûmî esnâsında Viyana Sefâreti'ne taʻyîn edilmiş olan merhûm-ı müşârunileyh, sefâret binâsında bir Hilâl-i Ahmer şuʻbesi küşâd etmiş ve yüksek vazʻiyet-i ictimâʻiye ve siyâsiyesi yüzünden Hilâl-i Ahmer'e mâddî ve maʻnevî pek çok fevâid teʼmîn etmeğe muvaffak olmuşdur. Hizmetlerinin ve iyiliklerinin hüsn-i hâtırasını ebediyen saklayacak olan Hilâl-i Ahmer Mer- kez-i Umûmîsi merhûmun âile-i keder-dîdesine arz-ı taʻziyet etmek için tercemesi âtîde münderic taʻziyetnâmeyi gönderdi: "-İstanbul, 5 Nisan 1923 Viyana'da Layentezreştrase'de 14 numarada Hüseyin Hilmi Paşa âilesine, Sâbık reîsleri merhûm Hüseyin Hilmi Paşa'nın üfûlüyle dûçâr olduğunuz ziyâʻ-ı azîminizden müteessir olan ve hâl-i ictimâʻda bulunan Hilâl-i Ahmer Merkez-i Umûmîsi hissiyât-ı amîka-i taʻzi- yetkârânesinin kabûlünü ricâ eder. Hilâl-i Ahmer Reîs-i Sânîsi Hâmid" Bâlâdaki telgrafnâmeye cevâben merhûmun âilesinden âtîdeki telgrafnâme geldi: "-Viyana, 7 Nisan 1923 İstanbul'da Hilâl-i Ahmer Cemʻiyeti'ne Taʻziyetinizden dolayı teşekkürler ederiz. Hüseyin Hilmi Paşa'nın âilesi" Hüseyin Hilmi Paşa'nın Terceme-i Hâli Merhûm Midilli'de Sarıılıca köyü kurbunda kâin Şiryane 1 karyesinde doğmuşdur. Babası, Bak- kâl Mustafa Efendi idi. Tahsîl-i ibtidâîsini Sarıılıca Mektebi'nde ikmâl etdikden sonra Arabca'ya baş- lamış ve "Binâ"dan iʻtibâren Arabca tahsîline Midilli'de Câmiʻ-i Kebîr civârındaki Müftü Medrese- si'ne devâm etmişdir. Merhûm Namık Kemal Bey menfiyen Midilli'ye mutasarrıf geldiğinde, o zamân yirmi yaşında bulunan Hüseyin Hilmi dahi memleketin ileri gelenleriyle berâber Namık Kemal Bey'i ziyârete gitmişdir. Hüseyin Hilmi'nin zekâsını ve istiʻdâdını takdîr eden merhûm Namık Kemal Bey 1 Meşhûr Barbaros Hayreddin Paşa dahi Şiryane karyesinde doğmuşdur. ( Hilâl-i Ahmer Mecmûʻası )