HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 20 746 meskûn olduğumuz mekteb binâsında hapsolunduk ve her gün zâbit ve efrâdın envâʻ-ı tahkîrâtına he- def olduk. Gördüğümüz envâʻ-ı hakâretin ve şiddet-i tazyîkin tahfîfi için zâbitin familyasına kırk lira kıymetinde bir elmâs yüzük vaʻd ederek yalnız yakın bir kahveye çıkabildik ve sıcak bir çay içmek için müsâʻade alabildik. Bilâhare mezkûr yüzüğü vermeğe mecbûr tutulduğumuz gibi Muʻallime Sadiye Hanım'ın bir baş atkısı dahi vapurda bir jandarma tarafından cebren alındı. 5-Semadirek'de 8 Teşrîn-i Sânî'den son zamâna kadar bi'l-umûm ahâlîye buğday ekmeği iki buçuk drahmiye satıldığı hâlde, biz yalnız yerli arpa unu karışık ekmeği üç buçuk drahmiye almağa, yine bu zâbitin [221] emriyle mecbûr edildik. Türk esîrlerinin bir "maktel"i olmuş olan Yunanistan'ın Milos adasının liman ciheti Vue du port de l'ile Milos (Grèce) qui servit de lieu de torture aux malheureux prisonniers turcs 6-Pire'de ve Girid'de vapura binmek ve inmek için kayık ücreti nâmıyla bin elli drahmi parayı Midilli Jandarma Kumandanlığı zâbitânından olup sevkimize meʼmûr edilmiş olan Mülâzım Pat- rokopulo'ya verdik. Pire'de vapura gelen kayıkçılar tarafından her şahıs için ikişer drahmi teklîf ve zâbit tarafından vesîka verildiği hâlde, merkûm mülâzım tarafından cebren beşer drahmi alındı ve bu sebebden arkadâşlarımızdan Doktor Fuad Bey şiddetle darb olundu ve on gün kadar teessür-i darbdan kulağı akmak sûretiyle dûçâr-ı ıztırâb oldu. 7-Teşrîn-i Sânî'nin yirmi ikisinde ekmek için zâbıta nezâreti tahtında bulunanlardan Babaeski Tapu Kâtibi Şevket Efendi darb ve tahkîr edildi. 8-Semadirek Jandarma Zâbiti merkûm Dimitri Pandeli'nin muvâsalatından sonra gelen para ve mektûblarımız bize verilmedi. Edirne'de Dedeağaç'da tüccâr ve komisyoncular vâsıtasıyla bize kışlık eşyâ ve para gönderil-