HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 20 750 delîl olamazdı. Zîrâ burada içdiğimiz kahvenin nefâsetini İzmir kahvehânelerinin birçoğunda bulmak adîmü'l-imkândır. İzmir kahvehânelerinde bugün beşer kuruş mukâbilinde içdiğimiz kahveler bile nohud ve mevâdd-ı sâire ile karışık ve katıklıdır. Kahveleri içdikden ve kahvecibaşıya teşekkür etdikden sonra yatakhâneleri gezmeğe çıkdık. Misâfirhâne dâhilinde 16 büyük koğuş vardır. Bunların hepsine sıra sıra 338 yatak yazılmış. Hepsi de sakız gibi tertemiz ve yepyeni… Bu odaların kâffesinde kilim, lamba, masa, su sürâhîleri, sandalye, el ve yüz yıkayacak çeşme gibi levâzım mevcûddur. Gelen ve gelecek olan üserâ meyânında büyük ve küçük rütbeli zâbitânımızla birçok kasaba ve şehirlerin eşrâf ve mütehayyizânı da bulunduğundan bunlar için üst katda ayrıca husûsî odalar tefrîk olunmuş. Her yatağın üzerinde kalın bir yorgandan mâʻadâ birer de battâniye var. Yatak odala- rının kâffesinde temizlik her dürlü tasvîr ve tasavvurun fevkindedir. Hilâl-i Ahmer'imizin, üserâmızın iʻzâzları husûsunda bu derecelere kadar iʻtinâ ve dikkat göstermesi cidden pek büyük takdîr ve te- şekkürlere şâyândır. Bu odaları gezerken hissetdiğim sürûr ve minnetdârîden gözlerimin yaşardığını söylersem bu ziyâretin ve şu âsâr-ı intizâm ve dikkatin bende ne gibi bir teʼsîr ve intibâʻ [225] husûle getirdiğini siz de takdîr edersiniz. Evvelce Rum eytâmhânesi olmak üzere inşâsına başlanan bu binânın henüz birçok nevâkısı vardır. Hele bazı aksâmı büsbütün nâ-tamâmdır. Maʻamâfîh bu hâliyle berâber hattâ kış mevsiminde bile odalarında dört yüz kadar misâfir ferîh u fahûr barınabilir. Burası istirdâddan sonra bizim dârü- leytâmımıza verilmiş, fakat müdürü binâ yangın harâbelerinin ortasında olduğu ve gidip gelmek ve bilhâssa çocuklardan dolayı tehlikeli bulunduğu için bunu kabûl etmeyerek Bornova'da münâsib bir yer istemişdi. Misâfirhânenin kapıcı ve aşçı da dâhil olduğu hâlde hademesi 25 kişiden ibâretdir. Misâfir edilen üserâmızın sofra, yatak vesâir hizmetlerini bunlar îfâ etmekde olduğu gibi başlarında ayrıca nezâret eden meʼmûrlar da vardır. Hilâl-i Ahmer misâfirhânesinin bir de yirmi yataklı bir hastahânesi vardır. Hastahânenin yatakları karyoladır. Yatakhânelerin ziyâretini ikmâl eyleyerek aşağı indik. Bâğçeye çıkdığımız zamân gözüme aş- hâne ilişdi. Bir de burayı görmek istedim. Aşhânede yedi büyük kazgan kaynamakda ve bir tarafdan da akşâma pişirilecek pilavın pirinci ayıklanmakda idi. Akşâm üserâya verilecek yemekleri sordum. Nohudlu et, pilav ve irmik helvâsı dediler. Üserâmız burada iki gün kadar taht-ı nezâretde kaldıkdan sonra yine Hilâl-i Ahmer tarafından müreffehen memleketlerine sevk edilecek ve sonra Urla Tahaffuzhânesi'nde karantina müddetlerini baʻde'l-ikmâl gelecek olan diğer üserâmızın kabûl ve iʻzâzları esbâbı hâzırlanacakdır. Hilâl-i Ahmer İzmir Heyʼet-i Merkeziyesi buraya misâfir edilecek üserâ için on bin lira râdde- sinde bir meblağ tahsîs etmişdir. Bunun dört bin küsûr lirası rozet tevzîʻâtıyla müsâmere hâsılâtından teʼmîn edilmiş idi. Haber aldığıma göre, bugün vâlî beyle Dâhiliye Vekâleti Müsteşârı Münir Bey ve Amerika Şark-ı Karîb Muʻâvenet Cemʻiyeti Müdür-i Umûmîsi Mister Çekvit ve Belediye Reîsi Şükrü Kaya Bey ayrı ayrı üserâmızı Hilâl-i Ahmer misâfirhânesinde ziyâret etmişler ve burada üserâya gösterilen dikkat ü iʻtinâdan, görülen âsâr-ı intizâm ve mükemmeliyetden dolayı Hilâl-i Ahmer Heyʼet-i Mer- keziyesi'yle misâfirhâne heyʼet-i idâresine karşı beyân-ı takdîrât eylemişlerdir. Şehrimizde bulunan Saruhan Mebʻûsu Necati Bey de geç vakit misâfirhâneyi ziyâret ve üserâya beyân-ı hoş âmedî ile bir sâʻat devâm eden müessir bir nutuk îrâd eylemişdir.