HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 20 751 Fi'l-hakîka bu muhterem müessesemizin üserâmız hakkında gösterdiği âsâr-ı şefkat ü merhamet cidden her dürlü takdîr u sitâyişe şâyândır. Misâfirhânenin tefrîş ü tanzîminde Hilâl-i Ahmer Reîs-i Sânîsi Hüsnü Bey'le Başkâtib Ahmed Bey'in mesâʻî-i meşkûresi görülmüşdür. Burada misâfir bulunan üserâ önümüzdeki Çarşamba gününden iʻtibâren Sıhhiye ve Muʻâve- net-i İctimâʻiye Müdüriyeti tarafından peyderpey memleketlerine sevk u iʻzâm olunacakdır. Klazomen'de bulunan üserâ karantina müddetini ikmâl eyledikden sonra şehrimize getirilerek mezkûr misâfirhânede birkaç gün alıkonuldukdan sonra yine bu sûretle memleketlerine sevk oluna- caklardır. Karantina müddeti dokuz gün olup üserânın Klazomen'e yevm-i muvâsalatlarından bir gün sonra başlamakdadır". *** Memleketlerine avdet eden Trakyalı ilk üserâ kâfilesi, Hilâl-i Ahmer'den gördükleri âsâr-ı şef- kat ü merhametden dolayı hissetdikleri minnetdârlığı cemʻiyetimize şu telgrafnâme ile iblâğ eylediler: "-Kırkkilise, 25 Mart 1923 Müştâk ve mütehassiri olduğumuz efrâd-ı âilemize bir an evvel kavuşmamızı teʼmînen mukad- des cemʻiyetimizin ibrâz buyurduğu teshîlât ve âsâr-ı şefkate Kırkkilise'ye muvâsalat eden ilk kâfile-i üserâ nâmına arz-ı şükrân ve minnetdârî eyleriz. Üserâ nâmına Abdülhalim" *** Garbî Trakyalı 273 esîr dahi Şarkî Trakyalı [226] esîrler ile birlikde Edirne'ye sevk edildiler. Bu zavallıların kıyâfetçe perîşân bir hâlde olduklarını istihbâr eden Hilâl-i Ahmer, îcâb eden levâzım-ı iksâiyeyi derhâl Edirne Vâlîliği'ne gönderdi. *** Sehven İzmir'e çıkarılmış olan 270 sivil esîr dahi ahîren Fethiye vapuruyla şehrimize muvâsalat ederek vesâit-i muhtelife ile memleketlerine sevk edildiler. *** Üserâ-yı Askeriye Mübâdele-i üserâ muʻâhedenâmesi mûcebince 26 maʻlûl zâbit ile 7.027 esîr askeri hâmil altı vapur geçen 31 Mart'da Klazomen Tahaffuzhânesi'ne muvâsalat ederek îcâb eden muʻâmele-i tathîri- ye[ye] tâbiʻ tutulmuşlardır.