HİLÂL-İ AHMER MECMÛʻALARI / CİLT 2

786 İkinci Sene 29 Ramazân sene 1341 / 15 Mayıs sene 1339 (1923) Numara 21 Makâlât ve İʻlânât, Neşriyât ve Teşvîkât Komisyonu Kitâbeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Ayda Bir Defa Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 1783 Hilâl-i Ahmer'e gönderilecek mektûb, para, eşyâ ve bi'l-cümle teberruʻât, "Dersaadet'de Hilâl-i Ahmer Cemʻiyeti Riyâseti" nâmına irsâl edilmelidir. Mündericât: Hilâl-i Ahmer Havâdisi – Hilâl-i Ahmer Semt Teşkîlâtı – Teberruʻât – Fransızca Kısmı – İngilizce Kısmı _______________ Ramazân Tebriği Şeref-hulûl eden Ramazân Bayramı münâsebetiyle Hilâl-i Ahmer Mecmûʻası kâriîn-i kirâmına müteberriʻîn ve mütevassıtîne, kendisine yardım eden bütün Türk ve İslâm gazetelerine ve kuvvetini kendilerinden aldığı bütün ehl-i İslâm'a arz-ı tebrîkât ederek gelecek bayrama mesʻûd ve muvâfık bir sulh içinde ermelerini temennî eyler. _______________ HİLÂL-İ AHMER HAVÂDİSÂTI Üserâ Mübâdelesi Geçen nüshamızda üserâ mübâdelesi hakkında uzun uzadıya maʻlûmât vermiş idik. 15 Nisan 1339 [1923] akşâmına kadar İzmir'e gelen üserâ cedveli ber-vech-i zîrdir: Sivil (Kadınlar ve çocuklar dâhil) 1.661 Sivil (Askerî kâfileler ile berâber gelen) 142 Sivil (Askerî üserâ meyânından tefrîk edilen) 25 Sivil (Son kâfile ile gelen) 359 Yekûn 2.187 Zâbit 323 Askerî tabîb ve eczâcı (Cenevre Mukâvelenâmesi mûcebince mübâdele hârici addedilmişdir.) 6 Yekûn 329