HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 21 788 Geçen nüshamızda Yunanîlerin Balıkesir'den alıp götürdükleri elli beş sivil vatandâşımızın iʻâdesi için Mübâdele-i Üserâ Muhtelit Komisyonu Reîsi Mîralây Wildbolz'a mürâcaʻat etdiğimizi yazmış idik. Mûmâileyhin teşebbüsü üzerine Balıkesirli vatandâşlarımız da serbest bırakılmışlardır. Yakında avdet eylemeleri mukarrerdir. *** Beynelmilel Salîb-i Ahmer Heyʼeti'nin Muvâsalatı Üserâ mübâdelesine meʼmûr edilerek Atina'da icrâ-yı faʻâliyet eyledikden sonra Türk üserâ- sıyla berâber İzmir'e kadar gelmiş olan Beynelmilel Salîb-i Ahmer Üserâ Mübâdele Heyʼeti Reîsi Mîralây Wildbolz ile Doktor Page ve Doktor Lindsjoe 30 Nisan'da şehrimize muvâsalat eylemişler ve Hilâl-i Ahmer nâmına Ali Muzaffer Bey tarafından istikbâl edilmişlerdir. Hilâl-i Ahmer Mecmûʻası bu muhterem heyʼet aʻzâsına: "-Safâ geldiniz!" der. *** Üserâ Mübâdele Heyʼeti, İstanbul'a muvâsalat eder etmez Hilâl-i Ahmer Merkez-i Umûmîsi'ne azîmetle Reîs-i Sânî Hâmid Beyefendi'yi ziyâret etmişdir. Hâmid Beyefendi heyʼetin, üserânın tahlîs ve sevki husûsunda [249] mesbûk olan hidemât-ı meşkûresine karşı beyân-ı minnet ve teşekkür et- mişdir. Yunanistan'da kuru ekmek ve zeytin ile iʻâşe edilen üserâmızın İzmir Hilâl-i Ahmer Misâfirhânesi'nde öğle yemeğini yediklerini gösterir grup Groupe des prisonniers turcs pendant le repas de midi dans la salle de lʼimmeuble du Croissant-Rouge à Smyrne