HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 21 789 Beynelmilel Salîb-i Ahmer Heyʼeti Şerefine Ziyâfet Hilâl-i Ahmer, şehrimize vürûdunu haber verdiğimiz Beynelmilel Salîb-i Ahmer Heyʼeti şe- refine Mayıs'ın birinci Salı günü sâʻat 8,5'da Tokatlıyan Oteli'nde husûsî bir ziyâfet keşîde etmişdir. Ziyâfetde heyʼet reîsi Mîralay Wildbolz ile heyʼet aʻzâsından Doktor Page ve Doktor Lindsjoe, Beynelmilel Salîb-i Ahmer'in İstanbul'daki dâimî murahhası Mösyö Georges Burnier, Beynelmilel Salîb-i Ahmer murahhaslarından Mösyö Guénod, Türkiye Büyük Millet Meclisi Hükûmeti Hâriciye Vekâleti İstanbul Murahhası Müderris Doktor Abdülhak Adnan Bey, İstanbul Merkez Kumandanı Salahaddin Adil Paşa, Hilâl-i Ahmer Reîs-i Fahrîsi Müderris Doktor Besim Ömer Paşa, Hilâl-i Ah- mer Birinci Reîs-i Sânîsi Müderris Doktor Âkil Muhtar Bey, Hilâl-i Ahmer Kâtib-i Umûmîsi Doktor Hikmet Bey, Hilâl-i Ahmer Fahrî Muhâsebecisi Berç Keresteciyan Bey, Hilâl-i Ahmer Üserâ Şuʻbesi Müdürü Safvet Şav Bey, Murahhaslık Kalem-i Mahsûs Müdürü Ali Macid Bey, heyʼet ile Atina'da icrâ-yı müzâkerâta meʼmûr edilmiş olan Ali Muzaffer Bey, Yâver Muhlis Bey ve Yaver Nazif Bey hâzır bulunmuşlardır. [250] Türk ve Yunan Mübâdele-i Üserâ Komisyonu Grubu'nun Atina'da çıkarılan fotoğrafı Sağdan sola: 1-Beynelmilel Salîb-i Ahmer Heyʼeti Atina Murahhası Baron Reding, 2-Mübâdele Komisyonu aʻzâsından Doktor Page, Mübâdele Komisyonu Reîsi Mîralây Wildbolz, Mübâdele Komisyonu aʻzâsından Doktor Lindsjoe Groupe représentant les membres de la commission dʼéchange des prisonniers turcs et grècs (photo pris à Athènes) De droite à gauche Baron Reding délégué du C. I. C. R. à Athènes, Dr. Page membre de la commission, Colonel Wildbolz président de la commission, Dr. Lindsjoe membre de la commission