HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 21 790 Ziyâfetin hitâmında Müderris Doktor Âkil Muhtar Bey, Hilâl-i Ahmer nâmına heyʼeti selâmla- yarak üserâ mübâdelesi husûsunda îfâ etmiş olduğu kıymetdâr muʻâvenetden dolayı beyân-ı teşekkür etmişdir. Buna cevâben heyʼet reîsi Mîralây Wildbolz, üserâ mübâdelesi gibi muhtâc-ı muʻâvenet birçok bîçâregânın âileleri nezdine iʻâdesini teʼmîn için derʻuhde edilmiş olan vazîfeyi îfâ etmekle heyʼetin büyük bir hiss-i iftihâr duyduğunu ve bu emr-i mühimmin hüsn-i îfâsı için Türk Hilâl-i Ah- meri ile bir vifâk-ı tâm dâiresinde tevhîd-i mesâʻî edilmiş olduğunu beyân etmişdir. Mîralây Wildbolz'dan sonra Müderris Doktor Besim Ömer Paşa, Beynelmilel Salîb-i Ahmer Cemʻiyeti'nin ulvî mefkûresinden ve âlem-i medeniyete îfâ etmekden fâriğ olmadığı hidemât-ı celî- leden parlak bir lisân-ı sitâyiş ile bahsetmişdir. Medʻuvvîn, bu ziyâfetin hâtırası olmak üzere matbûʻ yemek listeleri üzerine imzâlarını atarak teʻâtî eyledikden sonra sâʻat 11'de Tokatlıyan Oteli'ni terk etmişlerdir. *** İstanbul Merkez Kumandanı Salahaddin Adil Paşa dahi heyʼet-i muhtereme-i mezkûre şerefine Mayıs'ın [251] üçüncü Perşembe günü sâʻat 8,5'da Cercle dʼOrient'da ayrıca bir ziyâfet keşîde etmişdir. Bu ziyâfetde bâlâda esâmîsi zikrolunan medʻuvvînden başka diğer altı medʻuv hâzır bulunmuşdur. _______________ Mübâdele-i Üserâ Komisyonu'nun İstanbul'daki Faʻâliyeti Şehrimize gelmiş olan Beynelmilel Salîb-i Ahmer Heyʼeti İstanbul'da da faʻâliyetine devâm etmişdir. Hilâl-i Ahmer bu heyʼete: 1-İsimleri ve Yunanistan'daki mahall-i tevkîfleri muʻayyen olan fakat henüz avdet etmemiş olan bini mütecâviz sivil üserânın cedvelini, 2-Yunanistan'ın muhtelif garnizonlarında grup hâlinde yaşayan iki bin yüzü mütecâviz sivil üserânın cedvelini, 3-Tamâmıyla âkıbeti mechûl olup Yunanistan'ın neresinde oldukları maʻlûm olmayan yüzü mü- tecâviz sivil üserânın cedvelini haklarında tahkîkât yapılmak ve bir an evvel memleketlerine iʻâdele- rine teşebbüs edilmek ricâsıyla verdi. Hilâl-i Ahmer, Lozan İʼtilâfnâmesi'ne rağmen henüz iʻâde edilmemiş olan bu bîçâre sivillerin hüviyetlerine, esâretden gelen asker ve sivil üserâ maʻrifetiyle ve gazetelerde neşrolunan iʻlânların intâc etdiği cevâblar sâyesinde muttaliʻ olmuşdur. *** Mîralây Wildbolz, İkdâm gazetesinin bir muharririne şu beyânâtda bulunmuşdur: "-Yunan ve Türk esîrlerinin mübâdelesi hakkında 30 Kânûn-ı Sânî 1923'de Lozan'da akdolunan iʼtilâfnâme, Türk Hilâl-i Ahmer Cemʻiyeti Reîs-i Sânîsi Hâmid Bey'in insânî bir fikirle yapdığı te- şebbüsât ile meydâna gelmişdir. Bu iʼtilâfın tatbîkine meʼmûr edilen Beynelmilel Komisyon Atina ve İzmir'de vazîfenin en mühim kısmını îfâ eyledikden sonra 29 Nisan'da İstanbul'a gelmişdir.