HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 21 791 Komisyon, Türkiye'ye 4.500 rehîne ve sivili iʻâde etdirmek, Yunanistan'a Türkiye'de mevkûf bulunan Yunanlıları göndertmek ve harb esîrlerinden 323 zâbit ile 10.000 neferi mübâdele etdirtmek vazîfesini de derʻuhde etmişdir. Türkiye'nin Yunanistan'a daha 30 zâbit göndermesi lâzımdır ve bu zâbitler şu günlerde teslîm olunacakdır. Her iki hükûmet yekdiğerinden tahmînen 2.000 kişi daha istiyor. Bunların taharrîsi esbâbı hâ- zırlanmış olup aranılmalarına derhâl başlanılacakdır. Henüz iki millet hâl-i harbde bulunduğu bir sırada yapılan bu mübâdele şâyân-ı dikkat olup emsâli nâ-mesbûk bir hâdisedir. İşte bu sebebden do- layıdır ki, iʼtilâfnâmenin hîn-i tatbîkinde müteʻaddid müşkilâta tesâdüf edilmişdir. Bir tarafdan Şubat nihâyetinde Yunan Hükûmeti tarafından üserâ iʻâdesinin tevkîfi için verilen emir henüz hâtırlardan çıkmamışdır. Diğer tarafdan Anadolu'nun vâsiʻ arâzîsi dâhilinde muhâbere müşkilâtı yüzünden bir- çok teehhurlar ve sû-i tefehhümler vukûʻa gelmekdedir. Bugün bütün bu mâniʻalar bertaraf edilmiş ve 25.000 kişi âileleri nezdine avdet eylemişdir. Hâl-i hâzırda Anadolu'da ancak birkaç bin Yunan harb esîri kalmışdır. Bu esîrler mukâvelenâme mû- cebince ancak sulhün akdinden sonra iʻâde edilebileceklerdir. Efkâr-ı insâniyet-perverânesi bütün cihânın müsellemi olan Hilâl-i Ahmer, bu adamlara karşı derʻuhde eylediği vazîfeyi mukâvelenâme ahkâmına tevfîkan icrâda devâm edecekdir. Beynelmilel Komisyon, İstanbul ekâbir-i meʼmûrîni ve Hilâl-i Ahmer ile şahsî münâsebât teʼsîs etmiş olduğundan dolayı da beyân-ı memnûniyet eder". _______________ Mübâdele-i Üserâ Heyʼetinin Azîmeti Mübâdele-i Üserâ Heyʼeti Reîsi Mîralây Wildbolz, [252] aʻzâdan Doktor Lindsjoe 5 Mayıs'da Avrupa'ya, Doktor Page ise Atina'ya müteveccihen hareket etmişlerdir. Doktor Page, Yunanistan'da kalan esîrlerimize âid işler ile iştigâl edecekdir. _______________ İki Bin Esîrimiz Geliyor. Hilâl-i Ahmer'in teşebbüsâtı kuvveden fiʻle çıkmağa başlıyor. Cemʻiyetimizin İzmir Murahhası Doktor Ömer Lütfi Bey'in 13 Mayıs târîhli bir telgrafnâme- sinde Atina'da muhtelif üserâ mübâdelesine nezârete meʼmûr komisyonu temsîl eden Doktor Pa- ge'dan aldığı bir telgrafa atfen Yunanistan'ın muhtelif mahallerinde bulunan ve mikdârı iki bine bâliğ olan sivil ve asker üserâmızın Pire'den 14 Mayıs sabâhı hareket edecekleri bildirilmekdedir. _______________ Yunan Salîb-i Ahmeri'nin Delegesi Yunan Salîb-i Ahmeri'nin delegesi Mösyö Kottakis Beynelmilel Salîb-i Ahmer Heyʼeti'yle bir- likde İstanbul'a gelerek aynı heyʼet refâkatinde Hilâl-i Ahmer Merkez-i Umûmîsi'ni ziyâret etmişdir. _______________