HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 21 792 Hilâl-i Ahmer'in Çin'de, Hindistan'da ve Felemenk Hindistanı'ndaki Faʻâliyeti Mecmûʻamızın 18'inci nüshasında memâlik-i İslâmiye'de Hilâl-i Ahmer nâmına iʻâne topla- tılması için Hilâl-i Ahmer ile Beynelmilel Salîb-i Ahmer arasında husûsî bir iʼtilâfnâme imzâ edil- diğini ve bu işi kuvveden fiʻle çıkarmak için Mösyö Schlemmer'in Çin, Hindistan ve Batavya'ya iʻzâm olunduğunu ve mûmâileyhin bu seyâhatinden avdetinde İstanbul'a dahi uğradığını yazmış idik. Mösyö Schlemmer'in bu iş hakkında tanzîm eylediği rapora muttaliʻ olan Hilâl-i Ahmer, memâlik-i mezkûrede teşekkül eden komitelere anladıkları lisâna göre Türkçe, Arabca, İngilizce, Fransızca ve Almanca mektûblar göndererek Yunan tahrîbâtının netâyic-i müessifesini arz etmiş ve bu tahrîbâtın iʻmâr ve tazmîni için muʻâvenet-i mümkinenin dirîğ edilmemesini ricâ etmişdir. _______________ Şehrimizde Rum Muhâcirleri ve Hilâl-i Ahmer Salîb-i Ahmerler İttihâdı 1 İstanbul'daki Rum muhâcirlerinin ahvâl-i umûmiyesini tedkîk ve Yu- nanistan'a nakillerini teʼmîn etmek vazîfesiyle İstanbul'a bir murahhas göndermişdir. Bu murahhas Hilâl-i Ahmer'in muʻâvenetini taleb etmiş ve cemʻiyetimiz İstanbul'daki Rum muhâcirlerinin nezâfet işlerinde kullanılmak üzere bir seyyâr banyo, otuz teskere ve bir mikdâr krezol göndermişdir. Bundan başka, Hilâl-i Ahmer hastalanan Rum muhâcirlerinin tedâvîsi için Haydarpaşa'da eski İnzibât Sevk Kumandanlığı binâsı dâhilinde bir hastahâne teʼsîs etdi. Bu hastahânenin bütün masârıfı Hilâl-i Ahmer'e âid olacakdır. Hastahânede el-yevm altmışı mütecâviz hasta vardır. Bu hastahânenin tabâbet vazîfesi Doktor Said Cemil ve Kemal Beylere ihâle edilmişdir. Eczâ- cılığına [253] Yüzbaşı Mehmed Ali Bey, idâre meʼmûrluğuna Cevdet Bey taʻyîn edilmişdir. _______________ Lozan Konferansı'nda Hilâl-i Ahmer Lozan Konferansı'nın müzâkerâtı esnâsında iʼtilâf murahhasları Türkiye'deki ecnebî mües- sesât-ı hayriyesi tarafından hâricden celb edilecek eşyânın gümrük resminden muʻâf tutulmasını Türk heyʼet-i murahhasasından taleb etmiş ve buna dâir cereyân eden müzâkerât esnâsında Hilâl-i Ah- mer'in de ismi geçmişdir. Akşâm gazetesinin Lozan Muhâbiri Ali Naci Bey tarafından gazetesine yazılan mektûbun Hilâl-i Ahmer'e taʻalluk eden aksâm-ı âtiyeyi derc ediyoruz: "-Türk Murahhası Hasan Bey: - Ecnebî müessesât-ı hayriyesine müessesât-ı milliyemize bah- şolunan hukûkdan fazlası verilemez. İtalyan Murahhası Mösyö Montenya: - Sühûletler bahşedebilirsiniz. Hasan Bey: -Hilâl-i Ahmer bu mesʼeleye karıştırılmamalıdır. Bizde, Beynelmilel Salîb-i Ah- merler, Hilâl-i Ahmerler, Avrupa ve Amerika'daki Salîb-i Ahmerlerin Cenevre Muʻâhedenâmesi mûcebince her memleketde nâil oldukları hukûkun aynına mâlikdir. 1912'de Washington'da inʻikâd eden kongrede Salîb ve Hilâl-i Ahmer müesseselerinin mâhiyet-i insâniye ve vazʻiyet-i hukûkiye ve maʻneviyelerinin müsâvî olduğu esâs iʻtibârıyla kabûl edilmişdir. Binâenaleyh Mösyö Nogarat'ın bu iʻtirâzı vârid değildir". _______________ 1 Salîb-i Ahmerler İttihâdı, daha yeni teşekkül etmişdir. Merkezi Paris'dedir. Bu teşkîlâtın Beynelmilel Salîb-i Ahmer Cemʻiyeti ile doğrudan doğruya alâka ve münâsebeti yokdur.