HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 21 793 Mısır Hidîv-i Sâbıkının Mühim Bir Teberruʻu Mısır Hidîv-i sâbıkı fehâmetlü devletlü Abbas Hilmi Paşa hazretleri, Türkiye Büyük Millet Meclisi Hükûmeti'nin Roma Mümessili Celâleddin Arif Bey vâsıtasıyla cemʻiyetimize 1.005 İngiliz lirası teberruʻ etmek lütfunda bulunmuşlardır. Hilâl-i Ahmer Mecmûʻası muhteremAbbas Hilmi Paşa hazretlerine arz-ı teşekkür etmekle berâber Hilâl-i Ahmer tarafından kendilerine takdîm olunan teşek- kürnâmenin bir sûretini maʻa'l-iftihâr derc eyler: Mısır Hidîv-i sâbıkı fehâmetlü devletlü Abbas Hilmi Paşa hazretlerine Maʻrûzdur, Cemʻiyetimiz hakkında öteden beri perverde buyurdukları hissiyât-ı âlî-cenâbâne ve şefkat-güs- terâne-i hidîvîlerine zamîmeten bu kere lütfen teberruʻ buyurulan bin beş İngiliz lirası muʻâdili olarak yedi yüz elli üç bin yedi yüz elli kuruş maʻa'l-mesâr veznemizce teslîm edilmiş ve bu bâbda tanzîm olunan 881 numaralı makbûz ilmühaberi leffen huzûr-ı hidîvîlerine takdîm kılınmışdır. İşbu teber- ruʻ-ı âlü'l-âlden mütehassis olan cemʻiyetimiz zât-ı fehâmet-penâhîlerine kemâl-i hürmet ve taʻzîm ile arz-ı şükrânı vecîbe addeyler. Ol bâbda emr u fermân hazret-i veliy- yü'l-emrindir. Fî 5 Mayıs sene [1]339 [1923] Hilâl-i Ahmer Cemʻiyeti Reîs-i Sânîsi Hâmid _______________ Hanya'da Esîr Çocuklar Mektebi Yunanistan güya harben aldığı üserânın adedini çoğaltmak için ge- rek Anadolu'da ve gerek Trakya'da yalnız kendi hâlinde uslu durmuş kimseleri değil, ihtiyârları, kadınları ve çocukları bile yerlerinden kaldıra- rak Yunan üserâ garnizonlarına [254] harb esîri olarak sevk ve nakleder idi. Harb esîrlerinin târîhi, esîr- lerin geçirdikleri maʻhûd garnizon hayâtının muhtelif safhalarını, garni- zonlarda sanʻat ve okumak yazmak öğrenenlerin ahvâlini zikr ve serd et- mekde ise de şimdiye kadar herhangi bir garnizonda bir de çocuk mektebi- nin küşâd edildiği görülüp işitilme- miş idi. Mecmûʻamızın bu nüshasında derc etdiğimiz resim, Girid'in Hanya Târîhî bir mekteb Yunanistan'ın, memleketlerinden nefy etdiği Türk çocuklarının tahsîli için Hanya'da hamiyetli esîrlerimiz tarafından küşâd edilen mekteb muʻallimleriyle talebesinin grubu Une école historique Groupe représentant les professeurs et le élèves de lʼécole des enfants prisonniers turcs, fondée à la Canée (Crête) par nos prisonniers