HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 21 795 Hilâl-i Ahmer Merkez-i Umûmîsi'nin tensîbiyle Garbî Anadolu'da inşâ edilen ve edilecek olan hâne ve baraka işlerini yakından taʻkîb etmek üzere Merkez-i Umûmî aʻzâsından iki zât İzmir'e mü- teveccihen hareket edeceklerdir. _______________ Hilâl-i Ahmer Çiçek Günü Ramazân Bayramı'nın birinci günü Hilâl-i Ahmer çiçek günüdür ve bugünün hâsılâtı Hilâl-i Ahmer'in mühim ve mukannen vâridâtından birini teşkîl eden mübârek günde Hilâl-i Ahmerce ihzâr etdirilen küçük sunʻî çiçekler, sokaklarda mârrîn ve âbirîne tevzîʻ edilir ve buna mukâbil bu çiçekleri kabûl etmek lütfunda bulunanlar tarafından Hilâl-i Ahmer yardımcılarının dolaşdırdıkları kutulara arzu olunan mikdârda para atılır. Ramazân Bayramı'nın birinci günü şimdiye kadar yalnız İstanbul'da ve diğer birkaç merkezde Hilâl-i Ahmer çiçek günü addedilmekde idi. Bu sene Hilâl-i Ahmer Merkezi İstanbul'daki ve taşrada- ki bi'l-umûm merâkiz ve şuʻabâtına Ramazân Bayramı'nın ilk gününü "Hilâl-i Ahmer Çiçek Günü" addetmelerini âtîdeki taʻmîmnâme ile iʻlâm ve teblîğ etdi: "-Her sene Ramazân Bayramı'nda ilk bayram gününün Hilâl-i Ahmer Çiçek Günü addedilmesi ve yevm-i mezkûrda ahâlî-i muhteremeye sûret-i mahsûsada ihzâr edilen Hilâl-i Ahmer çiçekleri tev- zîʻi sûretiyle iʻâne derc olunması muʻtâd ve şimdiye kadar birkaç merkeze münhasır kalmış olan bu teşebbüsün memleketimizin her tarafında teşekkül etmiş olduğunu kemâl-i fahr ile gördüğümüz bi'l- umûm Hilâl-i Ahmer merâkiz ve şuʻabâtına dahi teşmîli mukarrer olduğundan bu maksad-ı hayrın hüsn-i istihsâline bezl-i himmet olunması…" Diğer tarafdan Hilâl-i Ahmer Merkez-i Umûmîsi bu sene çiçek tevzîʻâtıyla iʻânât dercinin ber-vech-i âtî esâsât dâiresinde vukûʻ bulmasını takarrür etdirmişdir: "1-Hilâl-i Ahmer çiçek gününün hâsılâtı îrâd kaydedilerek ve mikdârı ayrıca merkez-i umûmî- ye işʻâr edilecekdir. 2-Merkez-i Umûmîce her merkez ve şuʻbeye bayramın hulûlünden [256] evvel Hilâl-i Ahmer çiçekleriyle mikdâr-ı kâfi iğneler merkez-i umûmîden irsâl ü îsâl edilecekdir. 3-Hilâl-i Ahmer çiçekleri hamiyet-perver ve insâniyet-perver ahâlînin göğsüne taʻlîk edildik- den sonra mukâbilinde halk tarafından her ne verilirse verilsin, derc edenler tarafından hüsn-i kabûl olunacakdır. 4-Her merkez ve şuʻbe şehrin muhtelif mahallerinde ikişer veya üçer kişilik heyʼetler bulundu- racak ve bu heyʼetleri teşkîl eden zevâtdan biri çiçek takmak, diğeri para toplamak vazîfesini derʻuh- de edecekdir. Bu heyʼetlerin o şehirdeki en maʻrûf zevâtdan veya muʻteber âilelerin zükûr ve inâs evlâdından teşkîl edilmesine bilhâssa dikkat olunmalıdır. 5-Çiçekler bir sepet içinde bulunacak ve para mühürlü sandıkların veya buna müşâbih diğer vesâitin içine atılacakdır. Her hâlde, toplanacak paranın açıkda kalmamasını ve bu yüzden emniyet ve iʻtimâd-ı halkın haleldâr olmamasını teʼmîn etmek merkez ve şuʻbeler aʻzâ-yı kirâmının lütuf ve himmetlerinden bilhâssa mercûdur. 6-Bayramın birinci günü bâğçe, tiyatro ve sinema gibi eğlence mahallerinin hâsılâtından dahi istifâde edilmesi şâyân-ı arzudur.