HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 21 796 7-Bayram namâzında cevâmiʻ-i şerîfe kapılarında bulunmak ve vâʻizîn-i kirâmın Hilâl-i Ah- mer'e bezl-i iʻânât için halka irşâdât ve mevâʻizde bulunmalarını teʼmîn etmek bilhâssa mûcib-i fâi- dedir". _______________ Hilâl-i Ahmer Hanımlarının Dârüssınâʻasındaki Sergi Hilâl-i Ahmer Hanımlar Merkezi Dârüssınâʻası'ndaki eytâm ve erâmil tarafından nakış ve iʻmâl edilen eşyâ-yı nefîse sergisi şehr-i hâlin üçüncü Perşembe günü sâʻat üçde merâsim-i mahsûsa ile küşâd edilmişdir. Merâsimde İstanbul Vâlîsi Haydar, Polis Müdürü Sadi, Hilâl-i Ahmer Merkez-i Umûmîsi aʻzâsından Mehmed Celâl, Edhem Pertev ve Haydar Beyler ve diğer zevât-ı kirâm hâzır bu- lunuyordu. Sergi, Hilâl-i Ahmer Cemʻiyeti Reîs-i Fahrîsi ve Dârüssınâʻa Müşâvir-i Fennîsi Müderris Doktor Besim Ömer Paşa tarafından âtîdeki nutkun îrâdını müteʻâkib küşâd edildi: "-Maʻlûm-ı âlîleridir ki, Hilâl-i Ahmer Hanımlar Merkezi Dârüssınâʻası Balkan Harbi esnâsın- da teʼsîs edilmiş ve on yaşını ikmâl etmesine iki ay kalmışdır. Müessesemizin mükemmelen terbiye ve taʻlîm edilen eytâm ve erâmil için târîh-i teʼsîsinden beri Hilâl-i Ahmer'in muʻâvenetiyle 67.251 küsûr lira sarfiyâtı vardır. Buna mukâbil müesseseye vâridât teʼmîn ederek mevcûd eytâmı infâk ve iʻâşe edebilmek hayli müşkildir. Ben müessesenin bu zamâna kadar idâme-i mevcûdiyet edebilmesinde Arşimed'in: - Bir nokta-i istinâd bulabilsem dünyâyı alt üst ederim, dediğine benzeyen kadın kuvvetinin nokta-i istinâd olduğunu görüyorum. Görülen eşyâ, eski Türk nakşının yeni millî nakışlar ile tevhîd edilmesinden vücûda gelmiş olan âsâr-ı nefisedir. Müessesemiz, Balkan Harbi'nden beri pek çok çalışmış, ictimâʻî ve millî bir vazîfe îfâ ve millî sanʻatı ihyâ etmişdir. Her yerde Hilâl ve Salîb-i Ahmer kadın demekdir. Buradaki ihtiyâr hanımlar bile bu müessese- de taʻlîm ve terbiye görmüşdür. Müessese iki cihetden sarf-ı faʻâliyet etmekdedir: Bir tarafdan eytâm ve erâmil dârüssınâʻamızda çalışarak teʼmîn-i maʻîşet ve nakş-ı millîyi ihyâ etmekdedir. Diğer taraf- dan asker âileleri müesseselerden iş alarak hânelerinde çalışmak sûretiyle geçinmekdedirler. İşçi kızların sıhhati de yedlerinde mevcûd sıhhat ve hüviyet varakaları sâyesinde muntazam bir kontrol altındadır. Zaʻf-ı basara mübtelâ görülenler kemâl-i dikkat ü ihtimâmla tedâvî edilmek- dedirler. Bendeniz, Hilâl-i Ahmer Cemʻiyeti reîs-i fahrîsi ve dârüssınâʻa müsteşâr-ı fennîsi sıfatıyla ser- giye teşrîf buyuran Vâlî Haydar Beyefendi ile sâir zevât-ı muhteremeye arz-ı teşekkür ve minnetdârî eylerim". [257] Bu nutka Vâlî Haydar Bey âtîdeki cümle ile mukâbele etmişdir: "-Sergide gördüğümüz âsâr-ı fevkalâde şâyân-ı takdîrdir. Bu husûsda hizmeti sebk eden hanı- mefendilerle zevât-ı muhteremeye arz-ı teşekkür ederim". Dârüssınâʻa heyʼet-i idâresinden Nezihe Hanım, müessese hakkında gösterilen alâka ve muhab- betden dolayı Besim Ömer Paşa ile Vâlî Haydar ve Polis Müdürü Sadi Beylere arz-ı teşekkür etdi. Sergi, küçük bir salon ile bir odayı işgâl ediyor.