HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 21 797 Odaya girilince solda Himâye-i Etfâl Cemʻiyeti çocuklarının el işleri, sâzdan maʻmûl küçük ve zarîf çocuk sepetleri görülüyor. İttisâlindeki masaya işlemeli çay örtüleri, peçeteler, nakışlı maşlah- larla yüzleri sanʻatkârane işlenmiş küçük salon yasdıkları vazʻ edilmişdir. Odanın sağ köşesinde serâpâ ipek işlemeli bir kadın kostümü duruyor. Bu kostüm Prenses Be- hice Hanım'ın dârüssınâʻaya sipâriş etdiği ve on beş yetîm kızın üç ayda işledikleri nefîs bir eserdir. Bundan başka, yine prenses tarafından sipâriş olunan başörtüleri eski Türk nakış ve sanâyiʻ-i nefîsenin taʻdîl ve asrın terakkiyâtına tevfîk edilmesi sûretiyle işlenmişdir. Zevk-i selîmi okşayan zarîf ve bedîʻî nakışlarla süslenmiş kostümler ve yatak örtüleri ile blüzler ve çocuk esvâbları salonu hoş bir tarzda tezyîn etmekdedir. Salonun köşesine mevzûʻ bir masa üzerinde elektrik şirketinin verdiği muhtelif echize-i elektri- kiye teşhîr edilmekdedir. Cihâzlar arasında elektrikle toz almak, su ısıtmak ve hücre-i mesâʻîye mah- sûs nev-îcâd soba vesâire gibi muhtelif âlât mevcûddur. Bunlardan mübâyaʻa arzusunda bulunanlara bedelinin muksitan teʼdiyesi gibi bazı teshîlât irâʼe edilmekdedir. Satılan âlât ve echizenin hâsılâtı kısmen Hilâl-i Ahmer'e terk edilmişdir. İlk görüşde insânda bir meşher-i bedâyiʻ teʼsîri yapan bu sergi ve onu vücûda getiren eytâm bilhâssa hanımlarımızın rağbet ve teveccühüne muhtâcdır. _______________ Romanya Müslümânları ve Hilâl-i Ahmer Yunan tahribâtının velev cüzʼî ve nâçîz bir kısmı olsun, taʻmîr vazîfe-i müşkilesini derʻuhde etmiş olan Türkiye Hilâl-i Ahmer Cemʻiyeti, geçen sene Beynelmilel Salîb-i Ahmer ile bir iʼtilâf- nâme akdetmiş idi. Bu iʼtilâfnâmenin ahkâmı mûcebince Hilâl-i Ahmer, Beynelmilel Salîb-i Ahmer Cemʻiyeti vâsıtasıyla âlem-i İslâm'a mürâcaʻat ederek bu taʻmîrât işinde kendisine muʻâvenet eyle- melerini taleb edecek idi. Fakat bu işe teşebbüs etmezden evvel, Beynelmilel Salîb-i Ahmer, Türkiye ile hâl-i harbde bulunan İngiltere ve Fransa'ya mürâcaʻat ederek müstemlekelerindeki ahâlî-i İslâmi- ye'nin Türk Hilâl-i Ahmeri'ne yardım etmelerine müsâʻade edilmesini ricâ etdi. İngiltere ve Fransa buna müsâʻade etdiler. Bunun üzerine Beynelmilel Salîb-i Ahmer, Türkiye Hilâl-i Ahmer Cemʻiyeti ile müştereken Arabca, Acemce, Urduca, İngilizce ve Fransızca beyânnâmeler neşrederek dünyânın büyük müessesât-ı hayriye-i İslâmiyesi ile muhtelif lisânlarda intişâr eden İslâm gazetelerine gön- derdiler. İslâm gazetesi sıfatıyla intişâr eden Romanya gazetesi dahi vaktiyle böyle bir beyânnâme alarak îcâbının icrâsına müsâraʻat etmiş idi. Fakat Romanya Hükûmeti'nin bu emr-i hayrın icrâsına müsâʻade etmediğini geçen posta ile aldığımız 24 Nisan 1923 târîhli ve 301 numaralı Romanya ga- zetesi müteessifâne yazıyor idi. Romanya Gazetesi Müdürü İsmail Kemal Bey'in "Biz, Öz ve Dîn Kardeşlerimize Yardım Etmek İstiyoruz!" serlevhası altında yazmış olduğu bir baş [258] makâleyi aynen derc ediyoruz. Bu makâle- nin mündericâtı hiçbir tefsîre mahal bırakmayacak kadar açıkdır: "-Geçen nüshalarımızın birinde Ankara Himâye-i Etfâl Cemʻiyeti tarafından vukûʻ bulan mürâ- caʻat üzerine Türkiye'deki mesâib-i harbiye yetîmlerine edilecek yardım için Romanya müslümân vekîllerinin ve reîs-i rûhânîlerinin bazı fikirler serd ederek sarf-ı nazar etdikleri bu vazîfeyi gazete- miz derʻuhde ile müsâʻade istihsâli için kâimmakâmlık vâsıtasıyla nezârete mürâcaʻat edilmişdi. He- nüz müsâʻade edilip edilmeyeceğine dâir bir maʻlûmât alınamamışdır. Maʻamâfîh geçen sene olduğu