HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 21 800 Edirne Hilâl-i Ahmer Merkezi Edirne'de çıkan Arda gazetesinde okunmuşdur: "-Hilâl-i Ahmer Edirne Şuʻbe-i Merkeziye ve Heyʼet-i İdâresi teşkîlâtı yapılmak üzere evvelki akşâm terâvîhi müteʻâkib Hilâl-i Ahmer Trakya Müfettişliği'nin daʻveti üzerine vâlî vekîli, kumandan Mümtaz Beyefendi, polis ve maʻârif ve mekteb müdürleri ve cemʻiyetin aʻzâ-yı sâbıkasından bazıla- rıyla müessislerinden birçokları, muʻteberân-ı belde, etıbbâ ve eczâcılar hâzır oldukları hâlde Sıhhiye Müdüriyeti Dâiresi'nde ictimâʻ etmişlerdir. Bu ictimâʻda sıhhiye müdürü ve Hilâl-i Ahmer'in [260] Trakya müfettişi Doktor Rifat Cafer Bey'in Hilâl-i Ahmer'in âsâr-ı şefkat-perverânesinden vesâiresin- den bâhis kısa bir hitâbesini müteʻâkib nizâmnâmenin vilâyet heyʼet-i merkeziyelerine âid mevâddı kırâat edilmiş ve heyʼet-i merkeziye intihâbâtına başlanılmışdır. On iki kişiden ibâret olmak üzere tefrîk edilen heyʼet-i merkeziye aʻzâsından beş zât heyʼet-i idâreye intihâb edilmişlerdir. Heyʼet-i idâre riyâsetine eşrâfdan Müftüzâde Şerif Bey, riyâset-i sâniyeye Sıhhiye Müdürü Doktor Rifat Cafer Bey, veznedârlığa Ahmed, kitâbetine Haşim, veznedâr muʻâvinliğine Muhyiddin Beyler intihâb olu- narak ale'l-usûl intihâb mazbataları tanzîm kılınmışdır". Hilâl-i Ahmer Mecmûʻası , Edirne Hilâl-i Ahmer Merkezi'ni tebrîk ile mesâʻîsinde muvaffak olmasını temennî eyler. _______________ Manisa'da Bir Mekteb Amerika Şark-ı Karîb Muʻâvenet Heyʼeti Müdür-i Umûmîsi Mister Çikvit el-yevm İzmir'de bulunan Hilâl-i Ahmer Murahhası Doktor Ömer Lütfi Bey refâkatinde Manisa'yı ziyâret eylediği esnâda, bu ziyaretinin hâtırası olmak üzere dört dershânelik bir mekteb inşâsını derʻuhde ederek bu bâbda makâm-ı âidince ihzâr edilecek plan ile masârıf-ı lâzımesi mecmûʻunun işʻârını ricâ etmişdir. Bu husûs için ihzâr edilen plan ve masârıf-ı inşâiye cedveli Mister Çikvit'e gönderilmişdir. _______________ Hilâl-i Ahmer Hastabakıcılık Mektebi Merkez-i umûmînin geçenki ictimâʻında Tıb Fakültesi'nde bir Hilâl-i Ahmer hastabakıcılık mektebi teʼsîs etmeğe karâr verildi. Bu hayırlı işe el-yevm Tıb Fakültesi'nde müstahdem olan hasta- bakıcıları tedrîs ve iʻâşe etmek sûretiyle başlanılacakdır. _______________ Hilâl-i Ahmer Mahyâda Ramazân-ı şerîfin ilk haftasında bir gece, İstanbul'da Aksaray'daki meşhûr Vâlide Câmiʻi'nin büyük mahyâsı, Süleymaniye Câmiʻi'nin geçen seneki mahyâsı gibi zarîf bir şekil ile tezyîn edilmiş idi. Geniş bir sâhada kandîllerden müteşekkil kocaman ve kırmızı bir hilâlin altına "Hilâl-i Ahmer'i Unutmayınız!" cümlesi yazılmış idi.