HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 21 801 Hilâl-i Ahmer, muhterem mahyâcılarımıza ve bu fikri onlara verenler ile onu kuvveden fiʻle çıkaranlara azîm teşekkürler eder. _______________ Hilâl-i Ahmer'e Hâricden Gelen Muʻâvenetler Bulgaristan'da Burgaz kazâsının Toy karyesi ahâlî-i İslâmiyesi'nden 114 Osmanlı lirası, Bulga- ristan'da Burgaz kazâsının Karaaliler karyesi ahâlî-i İslâmiyesi'nden 70 Osmanlı lirası, Mısır sâbık Hidîvi fehâmetlü Abbas Hilmi Paşa hazretlerinden 1.005 İngiliz lirası, Ciddeli Abdullah es-Sagir Be- yefendi'den 10 İngiliz lirası, Mısır Maʻârif Nezâreti meʼmûrlarından Celâleddin Bey'in vâlidesi Zülfü Saniye Hanım tarafından 2 İngiliz lirası gelmişdir. Hilâl-i Ahmer, bütün bu müteberriʻîn-i kirâma arz-ı şükrân eder. _______________ Hilâl-i Ahmer Dispanseri Geçen Nisan zarfında Hilâl-i Ahmer'in Fatih Dispanseri'nde 1.082 ve Üsküdar Dispanseri'nde 933 hasta muʻâyene edilmiş ve muʻâyene edilenlere meccânen ilâc dahi verilmişdir. Bundan başka, Cağaloğlu Hastahânesi'ne mürâcaʻat eden 1.070 hastadan 522'sine meccânen ilâc iʻtâ edilmişdir. _______________ [261] Hilâl-i Ahmer'in Bir Taʻmîmi Hilâl-i Ahmer Merkezi, merâkiz ve şuʻabâtına hitâben âtîdeki taʻmîmi teblîğ etdi: "-Mülhakâtdan Türkiye Hilâl-i Ahmer Müfettiş-i Umûmîliği adresiyle keşîde kılınan telgraf- nâmelerden bazıları yanlışlıkla Ankara'ya yazılmakda olduğundan bahisle iltibâsa mahal kalmamak üzere telgrafnâme adreslerine aynı zamânda şehir isimlerinin de tahrîr ve ilâvesi lüzûmu Posta ve Telgraf Müdüriyet-i Umûmiyesi'nden bâ-tezkere Ankara Heyʼet-i Murahhasası'na izbâr kılınmış ve fi'l-hakîka mevkiʻ-i zikir edilmemesi dolayısıyla bir takım muharrerât ve telgrafnâmelerin sehven Ankara'ya gönderildiği tebeyyün etmiş olmağla gerek posta ve gerek cemʻiyetimiz muʻâmelâtının teʼmîn-i hüsn-i cereyânı için telgrafnâme ve muharrerât adreslerine gönderilecek mevâkiʻ isimlerinin dahi derc ü ilâvesi lüzûmu taʻmîmen teblîğ olunur. Türkiye Hilâl-i Ahmer Cemʻiyeti Reîs-i Sânîsi Hâmid _______________