HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 22 829 1-Harb-i Umûmî esnâsında Beynelmilel Salîb-i Ahmeri, Salîb ve Hilâl-i Ahmerler Üserâ Dâi- relerince tertîb [276] olunmuş olan üserâ cedvellerinden birer kıtʻasının fotoğraflarından müteşekkil bir kitâb tabʻ ve neşretdi. Hilâl-i Ahmer Üserâ Dâiresi'nin cedveli usûl, intizâm, vuzûh ve temizlik iʻtibârıyla Alman, İngiliz ve Japon Salîb-i Ahmerleri cedâvili hâricindeki bütün cedvellere mütefev- vik addedilmişdir. 2-Geçen sene Cenevre Beynelmilel Salîb-i Ahmeri tarafından Cenevre'de tertîb ve küşâd edilen Salîb ve Hilâl-i Ahmerler Sergisi'ndeki Hilâl-i Ahmer Şuʻbesi, küçük ve mahdûd olmakla berâber ikinciliği kazanmış, hattâ Türklere karşı tarafgir addolunması ihtimâli olmayan Journal de Geneve gazetesi Hilâl-i Ahmer'in bu sergide teşhîr etdiği âsâr ve mesâʻî hakkında sitâyişkâr bir makâle yaz- mış idi. 3-Geçen sene Cenevre'de inʻikâd eden Onuncu Beynelmilel Salîb-i Ahmer Konferansı'na tak- dîm edilen faʻâliyet raporuyla tekâlîf-i cedîde projeleri meyânında Hilâl-i Ahmer'in raporu ve proje- leri cihânın yaşlı başlı diğer Salîb-i Ahmerlerinin raporlarına ve projelerine kemiyeten ve keyfiyeten fâik addedilmiş idi. 4-Harb-i Umûmî esnâsında İstanbul'u ziyârete gelmiş olan Alman, Avusturya ve Macar gaze- tecileri, Hilâl-i Ahmer'in açdığı aşhâneleri ziyâret etdikleri vakit bu aşhânelerde yemek tevzîʻâtında riʻâyet olunan usûlün ve bu müesseselerdeki sürʻat ve sükûnetin hiçbir Salîb-i Ahmer'de mevcû[d] olmadığını kemâl-i takdîr ile gazetelerine yazmışlar idi. Bu defa da Safiye Hüseyin Hanım'ın Nightingale madal- yasını kazananlar meyânında taltîf edilmiş olması, Salîb-i Ah- merler âilesinde Hilâl-i Ahmer için yeni bir eser-i muvaffakiyet teşkîl eder. Bu muvaffakiyetin sırrını da Hilâl-i Ahmer işlerinde hâkim olan "rûh"da ve çalışmakdaki "usûl ve intizâm"da ara- malı! Safiye Hüseyin Hanım ve Nightingale Madalyası Mecmûʻamızın 16'ncı numarasında Nightingale madalya- sından bahsetmiş idik. Florence Nightingale, bir İngiliz kızının adıdır. Bu muhterem kız 1854 Kırım Muhârebesi esnâsında Al- man usûlüne tevfîkan bir takım hastabakıcılar yetişdirerek harb mecrûhlarına kemâl-i mahâretle bakmağa muvaffak olmuş ve işte o zamândan iʻtibârendir ki, harb hastabakıcılığı fennin te- rakkiyâtını taʻkîb ederek ceste ceste mühim bir meslek hâlini almışdır. Kırım Muhârebesi'nde Mis Nightingale, İstanbul'a gele- rek hastahâneye ifrâğ edilen Selimiye Kışlası'ndaki yaralılara ve hastalara fevkalâde hizmet etmiş ve bu hidemâtı kadın hastaba- kıcılığı fedâkârlıklarına ebedî ve lâ-yezâl bir misâl olmuşdur. Sâha-i harbde, cebhe gerilerinde bârgîr üzerinde hastahâ- neleri dolaşıp duran, melâhat, şebâb ü servetini, hâsılı bütün mâ-melekini beşerin → Beynelmilel Salîb-i Ahmer tarafından kendisine Florence Nightingale madalyası verilen Safiye Hüseyin Hanım Mme Safie Hussein Hanoum, chef infirmière turque, qui reçut de la part du C. I. C. R. la nédaille Florence Nightingale