HİLÂL-İ AHMER MECMÛʻALARI / CİLT 2

Osmanlı Hilâl-i Ahmer Mecmû‘ası Sayı 14 479 On İkinci İzmir-Manisa Hilâl-i Ahmer İmdâd Heyʼeti 4 Teşrîn-i Evvel 1338 [1922] târîhinde Méssagéries Kumpanyası'nın Pierre Loti vapuruyla İzmir'e gitmişdir. Bu heyʼet âtîdeki zevâtdan mürekkebdir: * Doktor Arif Ata Bey, sertabîb * Doktor Ahmed Ragıb Bey, operatör ve tabîb * Doktor Sıbgatullah Bey, tabîb * Doktor Salih Sabri Bey, tabîb * Doktor İbrahim Burhaneddin Bey, tabîb * Eczâcı Süheyl Bey, eczâcı * Necabeddin Bey, idâre meʼmûru * Sıdkı Bey, idâre meʼmûru muʻâvini On İkinci Heyʼet'in muhtâcîn-i ahâlîye tevzîʻ edilmek üzere berâberinde aldığı eşyâ cedveli zîrde gösterilmişdir: 122 sandık ve balya eczâ-yı tıbbiye, çamaşır 74 sandık ve balya melbûsât, porselen 50 denk hasır 27 bâğ tava 15 sandık muhtelif eşyâ 250 çuval un Bilâhare bu heyʼete ayrıca 250 çuval un ile 100 çuval fasulye gönderilmişdir. _______________ Kırım Müslüman Açlarına Yeniden Muʻâvenet Hilâl-i Ahmer Cemʻiyeti ikinci defa olarak Kırım müslümân açlarının muʻâvenetine gelmek üzere Hilâl-i Ahmer mensûbîninden Eczâcı Hakkı Bey ile Hilâl-i Ahmer Anbârı Şuʻbe Meʼmûru Süleyman Bey'i Kırım'a iʻzâm ile 2.000 çuval un, 1.656 sandık kuru sebze ve 100 sandık et suyu hulâsası irsâl eyledi. _______________ Manisa'ya Bir Salîb-i Ahmer Heyʼeti Gidiyor. Geçen gün Beynelmilel Salîb-i Ahmer Komitesi'nin ve Cemʻiyet-i Akvâm'ın Dersaadet murah- hası Mösyö Burnier, Marmara ve Adalar Denizi'nde mütemekkin olup Yunan mezâlimine →