HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 22 835 Beyrut Hilâl-i Ahmer Cemʻiyeti'nin mühim bir vazîfe ve mazhariyeti de Suriye, Haleb, Yemen vesâir mahallerden Beyrut'a uğrayan Türk üserâ-yı harbiyesini iʻâşe, ibâte ve memleketlerine îsâl ve tavtîn etmek olmuşdur. Bu emr-i hayrı derʻuhde eden zât-ı muhterem bâlâda ismi geçen eş-Şeyh Mahmud Muharrem Efendi'dir. Beyrut Hilâl-i Ahmer Cemʻiyeti, Hilâl-i Ahmer işleri için irşâd vazîfesini dahi derʻuhde etmiş- dir. Hilâl-i Ahmer Reîsi eş-Şeyh Abdülbâsit el-Ünsî Efendi ile Reîs-i Sânî Ahmed Muhtar Kubanî Efendi Trablusşam'a ve Sayda'ya giderek bu iki şehrin eşrâfıyla temâs ve oralarda da ayrıca iʻâne komiteleri teşkîl etmişlerdir. Filistin'de, Nablus'da ve Yafa'da "Anadolu mücâhidleri"nin yaralarını sarmak için toplanan iʻâ- nelerde dahi Beyrut Hilâl-i Ahmer Cemʻiyeti'nin büyük bir dahl ve teʼsîri olmuşdur. Hilâl-i Ahmer, bu muhterem cemʻiyetin aʻzâ-yı kirâmına ve bi'l-cümle müteberriʻlerine arz-ı şükrân eder. *** Mezkûr risâlenin nihâyetinde "zekât"ın vücûb-ı teʼdiyesine dâir eş-Şeyh Salih Efendi kalemiyle yazılmış gâyet müdellel bir makâle mündericdir. _______________ [282] Hilâl-i Ahmer'in teşebbüsâtıyla esâretlerine nihâyet verilen Korfu adasındaki Türk üserâsından bir grup Un groupe de prisonniers turcs de Corfou, délibérés par lʼentremise du Croissant-Rouge Turc