HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 22 836 Yunanistan'daki Üserâmız Hakkında Mîralây Cafer Tayyar Bey'in Raporu Edirne Mebʻûsu ve Trakya Ordusu Kumandanı Mîralây Cafer Tayyar Bey'in Yunanistan'a esîr sıfatıyla nakledildiği ve orada gayr-ı insânî bir takım muʻâmelâta maʻrûz bırakıldığı ve Hilâl-i Ah- merce müşârunileyh lehine Beynelmilel Salîb-i Ahmer Cemʻiyeti'ne müteʻaddid defalar mürâcaʻat edilerek ıstırâbâtının tahfifine çalışıldığı kârilerin maʻlûmudur. Bu defa Yunanistan'daki üserâmızla birlikde avdet etmiş olan Cafer Tayyar Bey, Yunanistan'da- ki esîrlerimiz hakkında Müdâfaʻa-i Milliye Vekâleti'ne mühim bir rapor takdîm etmişdir. Bu raporu ehemmiyetine mebnî aynen nakil ve derc ediyoruz: 1-Yunanistan'a esîr düşenlerin mikdârı hakkında tahkîkât yapmak bendeniz için gayr-ı kâbil idi. Zîrâ oradaki hayâtım dâimâ yalnız geçmiş ve sıkı bir kontrol altında temâdî etmişdir. Bu sûretle maʻrûzâtım katʻiyete değil, tahmînâta istinâd eder. Yunanistan'daki esîr efrâdın kısm-ı mühimmi evlerinden alınmış olanlar olup cebhe-i harbde esîr düşenlerin mikdârı hakîkatde dört bini tecâvüz etmemekdedir. Sivil ahâlî ise öteden beriden top- lanmış ve bilhâssa bir kısm-ı mühimmi Yunan işgâli esnâsında Yunan ordusunun geri hidemâtında araba ve hayvânlarıyla hizmet ederken araba ve hayvânları müsâdere edilerek kendileri esîr sûretiyle Yunanistan'a sevk ve iʻzâm edilmiş, Trakya'dan ise Yunan ordusunun hezîmetinden sonra suver-i muhtelife ile Trakya'nın bütün münevverleri, eşrâfı, muʻteberânı ağzı düzgün lakırdığı yapanları he- men kâmilen geceleri evlerinden gecelikleriyle kaldırılarak parasız, pulsuz Dedeağaç'a ve oradan muhtelif adalara sevk edilerek yollarda her dürlü hakâret ve işkencelere maʻrûz bırakılmış, Milos adasına sevk olunanlardan pek çokları vapurda muhtelif işkenceler yüzünden vefât etmiş veya suver-i mahsûsada öldürülmüşlerdir. Bu bâbda son → [283] İzmir Hilâl-i Ahmer Heyʼet-i Merkeziyesi tarafından İktisâd Kongresi binâsında Beynelmilel Salîb-i Ahmer Heyʼeti şerefine verilen ziyâfet münâsebetiyle aldırılan grup Groupe représentant les invités du banquet donné à Smyrne par la Comité du Croissant-Rouge de cette ville en lʼhonneur des délégués ou Comité International de la Croissant-Rouge à lʼoccasion de lʼéchange des prisonniers turcs et grècs