HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 22 838 Tripoli[s]'den Atina'ya gelmek üzere hareketimde, Yunanîler beni üçüncü mevkiʻle Atina'ya ge- tirmek istemişler ise de gerek şahsımın ve gerek refâkatimde bulunan Türk yüzbaşısıyla iki muhâfız jandarma neferinin şimendifer üçüncü mevkiʻiyle birinci mevkiʻ arasındaki ücret farkı tarafımdan verilerek yine birinci mevkiʻ ile Atina'ya gelinmiş ve orada da bütün ücret-i nakliye ve hattâ jandar- maların gece masrafları da tarafımdan tesviye edilmişdir. Yunanîler, üserâ hakkında bidâyetden tâ ordularının hezîmet-i katʻiyesine kadar insânların tüy- lerini ürpertecek her dürlü sû-i muʻâmeleyi tatbîk etmişler ve yalnız ordularının hezîmet-i katʻiyesin- den sonradır ki, muʻâmelelerini az çok tebdîl eylemişlerdir 1 . Ben bizzât, yalnız vürûd eden üserâmıza karşı sû-i muʻâmele yapmak isteyen bir zâbite, haksız- lığını söylediğim için on ay münferiden bir odada hapis ve bütün müddet mahbûsiyetimde gazete ve kitâb okumakdan ve bir kimse ile konuşmakdan menʻ edildim. Ancak sabâhları bir ve akşâmları bir defa kapım açılmakda idi. Eğer yanımda para olmasa idi, kuru taşlar üzerinde ölüme mahkûm olacak idim. Bu husûsâtın lâyıkıyla tesbîti için sivil ve asker bi'l-umûm üserânın dûçâr oldukları muʻâme- leler hakkında esâslı bir rapor alınmasını ve bunların kitâb hâline konularak ve mekteblerde kırâat risâlesi hâlinde okutdurularak hem Yunan mezâliminin evlâd-ı vatana tanıtdırılması, hem de âlem-i medeniyete karşı etrâfıyla tasvîr edilmesi mütâlaʻasında bulunduğumu arz ederim, efendim. Ankara, 18.4.1339 [1923] Edirne Mebʻûsu Cafer Tayyar" Salîb-i Ahmerler İttihâdı ve Himâye-i Etfâl Cemʻiyeti Himâye-i Etfâl Cemʻiyeti Reîsi Müderris Doktor Besim Ömer Paşa'nın mürâcaʻatı üzerine mer- kezi Paris'de bulunan Salîb-i Ahmerler İttihâdı, Hilâl-i Ahmer maʻrifetiyle çocuklara sarf edilmek lâzım gelen [285] takayyüdât-ı sıhhiyeyi gösteren iki sinema filmini Himâye-i Etfâl Cemʻiyeti Riyâ- seti'ne göndermişdir. _______________ Harîkzedegâna Yardım Hilâl-i Ahmer Merkezi'nin karârıyla Kastamonu'ya tâbiʻ Küre harîkzedegânına beş yüz, Saf- ranbolu'nun Çanak ve Hıçak karyeleri harîkzedegânına da iki yüz ellişer lira tahsîs ve irsâli sûretiyle ibzâl-i muʻâvenet edilmişdir. _______________ 1 Yunânîler, hezîmet-i katʻiyelerine kadar Yunanistan'da bulunan üserâmızın cedvellerini de vermemişlerdir. Yani hükûmetimiz iki sene ve iki ay zarfında Yunanistan'daki üserâmız hakkında maʻlûmâta mâlik olamamışdır. Bi'l-vâ- sıta ve bilâ-vâsıta vukûʻ bulan mürâcaʻatlarımız semeresiz kalmışdır.