HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 22 844 Çakallı karyesi 9 5 14 Yekûn 207 175 382 Kasaba kazâsı 35 25 60 Avşarlı karyesi - 13 13 Yekûn 35 38 73 İşbu cedvelde muharrer kasabât ve nevâhî ve kurâya bâğ ve bağçelerini işletmek üzere on bin üç yüz kazma ve beş bin seksen altı çapa ile bel ve kürek ve yüzlerce çadır tevzîʻ edilmişdir. Fî 26 Mayıs [1]339 [1923] Nazilli Hilâl-i Ahmer İnşâât Müfettişi Halil Sadeddin *** Merkez-i Umûmî aʻzâsından Fazlı Necib Bey mevzûʻ-ı bahis inşââtı teftîş etmek üzere 12 Ha- ziran'da İzmir'e müteveccihen hareket etmişdir. Esîr ve Gâib Âilelerinin Nazar-ı Dikkatine Bir takım dolandırıcıların kendilerine Hilâl-i Ahmer meʼmûru süsü vererek bazı esîr ve gâib âilelerine mürâcaʻatla esîr ve gâiblerini getirteceklerini ifâde sûretiyle halkı iğfâl eyledikleri haber alınmakdadır. Hilâl-i Ahmer'in İstanbul'daki üserâ ve istihbârât umûru yalnız merkez-i umûmî binâ- sındaki kalem-i mahsûsunda rüʼyet edilmekde olduğundan esîr ve gâib âilelerinin bu gibi husûsât için doğrudan doğruya Yerebatan'da Emniyet Sandığı ittisâlinde Hilâl-i Ahmer Merkez-i Umûmî binâsın- daki Üserâ Şuʻbesi'ne mürâcaʻat etmeleri lüzûmu iʻlân ve teblîğ olunur. [289] Hilâl-i Ahmer'in Bir Taʻmîmi Hilâl-i Ahmer Merkezi, semtler cemʻ-i iʻânât heyʼetlerine taʻmîmen ber-vech-i âtî teblîgâtda bulunmuşdur: "-Cemʻ-i İʻânât Heyʼeti Riyâset-i Aliyyesi'ne, 1-Hilâl-i Ahmer çiçek günü ibrâz buyurulan himemât ve mesâʻî-i insâniyet-perverâneye karşı bilhâssa teşekkür olunur. 2-Bayram hâzırlıkları münâsebetiyle muvakkaten sektedâr olan ve taʻahhüdât-ı şehriye tahsîli- ne münhasır bulunan vezâif-i asliyeye daha fazla gayret ve himmet sarf olunması mercûdur. 3-Çiçek günü faʻâliyetine dâir ve bu bâbda sebk eden tecrübelerinizden istifâde olunmak üzere gelecek sene mesâʻîsine esâs ittihâz edilecek mütâlaʻât ve mülâhazâtınızı mübeyyin muhtasar bir raporun dahi serîʻan irsâli mütemennâdır. 4-Cemʻ-i İʻânât Heyʼetlerimiz müfettişliğine cemʻiyetimiz müessesât müfettişlerinden Doktor Galib Hakkı Bey meʼmûr edilmiş olduğundan mürâcaʻatında vazîfesini teshîl ediniz.