HİLÂL-İ AHMER MECMÛʻALARI / CİLT 2

Osmanlı Hilâl-i Ahmer Mecmû‘ası Sayı 14 481 20 sandık südlü un 32 sandık çikolata ve kakao [47] Hilâl-i Ahmer, bu muʻâvenet-i asîlâne ve insâniyet-perverâneden dolayı heyʼeti iʻzâm ey- leyen müessese-i muhteremeye muhtâcîn nâmına arz-ı minnet ve şükrân eyler. _______________ Doktor Nansen Cemʻiyet-i Akvâm Üserâ Umûru Müdürü Doktor Nansen cenâbları şehr-i hâlin beşine musâdif Perşembe günü sürʻat katarıyla şehrimize gelmişdir. Müşârunileyh muhâcirlerin ve mültecîlerin terfî- hi mesʼelesi ile iştigâl edecekdir. Hilâl-i Ahmer, bu muhterem misâfire beyân-ı hoş âmedî ederek derʻuhde eylediği güç işde tamâmî-i muvaffakiyet temennî eder. _______________ Rodos Hilâl-i Ahmer Cemʻiyeti Geçenlerde Rodos adasına azîmet etmiş olan Osmanlı Dârülfünûnu muʻallimlerinden Avram Galanti Bey'in delâleti üzerine cezîre-i mezkûrede bir Hilâl-i Ahmer Cemʻiyeti teşekkül etmişdir. İşte bu yeni cemʻiyeti teşkîl eden aʻzâ-yı kirâmın esâmîsi: * Faralyalızâde Hacı Yusuf Efendi, reîs-i evvel * Torunzâde Süleyman Ağa, reîs-i sânî * Cemâʻat-i İslâmiye Kâtibi Raşid Efendi, kâtib * Zenbillizâde Hacı İsmail Efendi, veznedâr * Ratıb Ağazâde Vasfi Efendi, aʻzâ * Kovacızâde Hacı Mustafa Efendi, aʻzâ * Saʻatçi Ali Nuri Efendi, aʻzâ * Şeyh Süleyman Efendi, aʻzâ Hilâl-i Ahmer, yeniden teessüs eden Rodos Hilâl-i Ahmeri'ni tebrîk ile mesâʻî-i âtiyesinde mu- vaffakiyet temennî eder. _______________ Adana, Hilâl-i Ahmer'e 100.000 Lira Veriyor. Adana'da çıkan Hayat gazetesinin 6 Eylül târîhli nüshasında okunmuşdur: "-Maʻlûmdur ki, Hilâl-i Ahmer bir müessese-i hayriyedir. Îfâ eylediği hizmetlerin ehemmiyeti nokta-i nazarından diğer bi'l-cümle müesseselere fâik bir kıymet ve iʻtibârı hâizdir. Bilhâssa harb zamânlarındaki müsmir ve müsbet faʻâliyetleriyle ayrıca bir de kudsiyet iktisâb etmekdedir. Nite-