HİLÂL-İ AHMER MECMÛʻALARI / CİLT 2

Osmanlı Hilâl-i Ahmer Mecmû‘ası Sayı 14 482 kim şimdiye kadar hiçbir müessesenin bu derece meşkûr hizmetleri sebk etmemişdir ve yine hiçbir müessesenin idâresindeki intizâm ve mesâʻîsindeki istikâmet bu derece yüksek bir şerefle tetevvüc eylememişdir. Onun içindir ki, halkın Hilâl-i Ahmer müesseselerine karşı gösterdiği teveccüh ve rağ- bet ziyâdesiyle hâiz-i ehemmiyet bir şekil ve mâhiyet iktisâb etmekdedir. Ahîren, bu rağbetin yüksek bir numûnesini de yine Adana'mızın maʻlûm ve müsellem olan necâbet-i fıtriyesinde mütecellî gö- rüyoruz. Şöyle ki: Memleketin ihtiyâcât-ı hâzıra ve mübremesini nazar-ı dikkate alan Adana Hilâl-i Ahmer Heyʼet-i Merkeziyesi yüz bin liralık bir iʻânenin cemʻ u derciyle Hilâl-i Ahmer'e iʻtâsına karâr vermişdir. Bu meblağ bir hafta zarfında toplanacak ve otuz bin lira ile Adana hastahânelerinin ihtiyâcât-ı mübremesi tesviye edildikden sonra mütebâkî yetmiş bin lirası da merkez-i umûmîye gön- derilecekdir. Uzun muhâceret senelerinin husûle getirdiği zarar u ziyâna rağmen her fırsatla vatana ve mil- lete nâfiʻ hizmetler îfâsına çalışan memleketimiz ve ahâlîmiz her dürlü takdîrlere lâyıkdır. Husûsuyla bu emr-i hayra hizmet ve delâlet etmiş olmak sıfatıyla Hilâl-i Ahmer Heyʼet-i Merkeziyesi'ne hâr ve samîmî teşekkürâtımızı refʻ u takdîm ederiz". Hilâl-i Ahmer muhterem Adanalılara alenen teşekkür eder. _______________ Mısır Hilâl-i Ahmeri'nin Anadolu'ya Yardımı Evvelce göndermiş olduğu 15.140 İngiliz lirasından başka bu kere dahi Mısır Hilâl-i Ahmer [48] Cemʻiyeti, Hilâl-i Ahmer vâsıtasıyla Anadolu şühedâ âileleri ile muhâcir ve mecrûhların infâkı- na medâr olmak üzere on bin İngiliz lirası gönderdi. Muʻazzez ve semîh hemşîremize an-samîmi'l- kalb arz-ı teşekkürât ederiz. _______________ Yunanistan'da Bulunan Sivil Üserâmız Yunanistan'da askerî üserâmızdan başka Yunan ordusunun öteden beriden toplamış olduğu yüz- lerce kadın, çocuk ve ihtiyâr sivil esîrlerimiz vardır. Hilâl-i Ahmer'in mükerrer mürâcaʻatlarına ve geçenlerde Yunanistan'daki Türk üserâsını ziyâret etmiş olan Mösyö Schatzmann'ın talebine rağmen Yunan Hükûmeti, tevkîf edilmesi esâsen gayr-ı câiz olan bu sivil üserâyı tahliye etmemekde ısrâr ediyor. Hilâl-i Ahmer geçen 30 Eylül'de Beynelmilel Salîb-i Ahmer'e telgrafla mürâcaʻat ederek bu sivil üserânın tahliyesi için Yunan Salîb-i Ahmeri nezdinde teşebbüsâtda bulunmasını ricâ etdi. Bey- nelmilel Salîb-i Ahmer'den gelen cevâbda bu bâbda teşebbüsât-ı lâzımede bulunulduğu bildiriliyor. _______________ Bir Eşkıyâ Çetesi ve Hilâl-i Ahmer Geçen nüshalarımızdan birinde iʻdâma mahkûm edilen bir cânînin sehpâ üstünde iken hânesini ve eşyâsını Hilâl-i Ahmer'e teberruʻ etdiğini yazmış idik. Adana'dan gelen ve bu defa Aydın İmdâd Heyʼeti Riyâseti'ne taʻyîn olunan Operatör Doktor Kemal Bey Adana'dan uzakça bir kasabaya sevk edilen ve sırtında Hilâl-i Ahmer malzemesi taşıyan dört devenin yolda bir eşkıyâ çetesi tarafından