HİLÂL-İ AHMER MECMÛʻALARI / CİLT 2

866 İkinci Sene 30 Zilkaʻde sene 1341 / 15 Temmuz sene 1339 (1923) Numara 23 Makâlât ve İʻlânât, Neşriyât ve Teşvîkât Komisyonu Kitâbeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Ayda Bir Defa Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 1783 Hilâl-i Ahmer'e gönderilecek mektûb, para, eşyâ ve bi'l-cümle teberruʻât, "Dersaadet'de Hilâl-i Ahmer Cemʻiyeti Riyâseti" nâmına irsâl edilmelidir. Mündericât: Hilâl-i Ahmer Havâdisi – Mezâlim Meşheri – Hilâl-i Ahmer Semt Teşkîlâtı – Teberruʻât – Fransızca Kısmı – İngilizce Kısmı _______________ Kurbân Bayramı Tebrîği Şeref-hulûl eden Kurbân Bayramı münâsebetiyle Hilâl-i Ahmer Mec- mûʻası kâriîn-i kirâmına, müteberriʻîn ve mütevassıtîne, kendisine yardım eden bütün Türk ve İslâm gazetelerine ve kuvvetini kendilerinden aldığı bütün ehl-i İslâm'a arz-ı tebrîkât eyler. HİLÂL-İ AHMER HAVÂDİSİ Hilâl-i Ahmer Nizâmnâme-i Esâsîsi 'nin Taʻdîli Hilâl-i Ahmer Nizâmnâme-i Esâsîsi'ni taʻdîle meʼmûr Müderris Besim Ömer Paşa, Aynîzâde Hasan Tahsin, Adliye Nâzır-ı esbakı Mehmed Celâl, Rauf Ahmed, Doktor Mehmed Ali, Kilisli Ri- fat, Azmi, Fazlı Necib ve Haydar Beylerden müteşekkil komisyon akd-i sulhdan sonra nizâmnâme-i esâsîlerini taʻdîl etmiş olan Paraguay, Avusturya, Çin, Kolombiya, İtalya, Siyam, Hollanda, Lehistan, Belçika, Çekoslovakya, Estonya, Norveç, Portekiz, Almanya, Beynelmilel Salîb-i Ahmer Cemʻiyet- leri Birliği ve Danzig Serbest şehri nizâmâneme-i esâsîlerini tedkîk ve telhîs etmiş ve yeni bir Hilâl-i Ahmer Nizâmnâme-i Esâsî Lâyihası ihzâr eylemekdedir. Komisyon, mesâʻîsinin hutût-ı esâsiyesini mezkûr Salîb-i Ahmerler nizâmnâme-i esâsîleri arasında Hilâl-i Ahmer'in maksadını en iyi ifâde eden Lehistan Salîb-i Ahmer Nizâmnâme-i Esâsîsi 'ne istinâd etdirmişdir. Yeni nizâmnâme-i [300] esâsî