HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 23 867 lâyihası, el-yevm merʻî bulunan Hilâl-i Ahmer Nizâmnâmesi 'ndeki birçok nevâkısı ikmâl edecekdir. Ez-cümle lâyiha, merkez-i umûmîce kabûl edildikden sonra Hilâl-i Ahmer sulh zamânında müstevlî hastalıklar, verem, malarya ve çocuk vefeyâtı gibi âfâta karşı mücâdele faʻâliyetlerine iştirâk edecek harîk, hareket-i arz, kaht ve tuğyân-ı miyâh gibi mesâib ve îcâbât-ı harbiye dolayısıyla muhâceret vukûʻunda gıdâî ve sıhhî muʻâvenet sûretiyle mesâʻîsini tevsîʻ ve teşmîl edecekdir. _______________ Ankara Murahhaslığı'na Elli Bin Liralık Kredi Anadolu-i Garbî'de îfâ-yı vazîfe etmiş olan beş imdâd-ı sıhhî heyʼetlerinin menâtıkı hâricinde kalıp Ankara Hilâl-i Ahmer Heyʼet-i Murahhasasınca idâre edilen ve harbin en şiddetli tahrîbâtına maʻrûz kalan Kütahya ve Eskişehir havâlîsi muhtâcîni[ni]n iʻâşe ve ilbâsları için tevzîʻ olunan buğ- day, erzâk ve eşyâ-yı ayniye ile ahîren Tokad'da serzede-i zuhûr olan hareket-i arz mesâibzedegânına ve Sarıkamış havâlîsiyle Batum'dan Trabzon'a hicret etmekde bulunan Acara muhâcirîninin ihtiyâ- cât-ı mübremesine sarf olunmak üzere mahallerine vâkiʻ olan irsâlât-ı nakdiye dâhil olduğu hâlde mezkûr murahhaslıkça kırk bin küsûr lira sarf edilmişdir. Ankara Heyʼet-i Murahhasasınca bu gibi muʻâvenâta sarf edilmek üzere yeniden elli bin liralık bir kredi açılmışdır. _______________ Süd Damlasına Muʻâvenet Fransız Salîb-i Ahmeri tarafından dârülfünûn karşısında geçen sene küşâd edilmiş olan Süd Damlası Cemʻiyeti ahîren taʻtîl-i faʻâliyet etmişdir. Memleketimizde fukarâ-yı etfâlin zamân-ı irzâʻı taʻkîb eden aylarda iyi bir tarzda tağdiye edile- memesinden etfâl-i mezkûre arasında mikdâr-ı vefeyâtın ziyâdeleşdiğini gören Hilâl-i Ahmer Cemʻi- yeti bu maksada sarf edilmek üzere iki bin lira tahsîs etmişdir. _______________ Trakya Hilâl-i Ahmer Teşkîlâtı Trakya'nın hîn-i istihlâsında hastahânelerle dispanserlerde mevcûd malzeme-i sıhhiye ve ed- viye Yunanîler tarafından götürülmüş olduğundan Trakya'ya iʻzâm kılınan Hilâl-i Ahmer etıbbâsı müessesât-ı sıhhiyeyi tamâmen boş olarak tesellüm etmişlerdi. Hilâl-i Ahmer teşkîlâtının himemât-ı şefkatkârânesiyle Edirne, Kırkkilise, Keşan ve Tekfur- dağı'nda bulunan hastahâneler ve Çorlu, Vize, Babaeski'deki dispanserler tedrîcen hâl-i faʻâliyete getirilmiş ve Hilâl-i Ahmer seyyâr etıbbâsı Trakya'nın istihlâs târîhinden Mayıs sene [1]339 [1923] gâyesine kadar bulundukları mahallerde bi'l-cümle sıhhat-i umûmiye mesâili ile iştigâl ve mürâcaʻat edenleri muʻâyene ve tedâvî, gördükleri vefeyâtın esbâbını tedkîk eylemişlerdir. Mayıs sene [1]339 [1923] gâyesinde [Hilâl-i Ahmer etıbbâsının vazîfelerine nihâyet verilerek bi'l-cümle malzeme ve edviye bakıyyesi idâre-i husûsiye-i vilâyet meʼmûrînine teslîm edilmişdir.