HİLÂL-İ AHMER MECMÛʻALARI / CİLT 2

Osmanlı Hilâl-i Ahmer Mecmû‘ası Sayı 14 483 soyulmak üzere tevkîf edildiğini ve devecinin nakleylediği eşyânın Hilâl-i Ahmer mâlı olduğunu söylemesi üzerine eşkıyâ çetesi reîsinin: "-Vah vah! Bu eşyâ Hilâl-i Ahmer'in mâlı mıdır?" diyerek develeri hamûleleriyle berâber sa- lıverdiğini ve yolda başka bir taʻarruza uğramaması için deveci maʻiyetine bir adam verildiğini ve deveciden evvel ve sonra o civârdan geçen iki kâfilenin soyulduğunu nakleyledi. Eşkıyâya ve çete reîslerine bile hürmet ve muhabbet telkîn etmiş olmak, Hilâl-i Ahmer'imiz için bâdî-i şeref ü mü- bâhâtdır!... _______________ Mösyö Franklin Bouillon'un Manisa Hilâl-i Ahmeri'ne Teberruʻu Fransa meşâhîr-i siyâsiyûnundan olup İʼtilâf Devletleri nâmına Türkiye Büyük Millet Meclisi Hükûmeti Reîsi Başkumandan Gâzî Mustafa Kemal Paşa ile görüşmek üzere İzmir'e gelen Mösyö Franklin Bouillon cenâbları, Yunanlılar tarafından Manisa'da îkâʻ olunan harîk tahrîbâtını yakından görmek için Manisa'ya kadar bir seyâhat icrâ ve Manisa Hilâl-i Ahmer Cemʻiyeti Şuʻbesi'ne 4.000 frank teberruʻ etmişdir. Hilâl-i Ahmer, bu muhterem müteberriʻe alenen takdîm-i teşekkürât eder. _______________ Hilâl-i Ahmer'e Hâricden Gelen Muʻâvenetler Kıbrıs'da Lefkoşa Evkâf-ı İslâmiye Murahhası ve Muhâcirîn-i İslâmiye Muʻâvenet Komisyonu Reîsi Musa İrfan Bey maʻrifetiyle 170 İngiliz lirası 1* , Nice'de bulunan Dâhiliye Nâzır-ı esbakı Reşid Mümtaz Paşa hazretleri ile âilesi efrâdı tarafından 11.000 [49] kuruş, Beyrut'da bir sâhib-i hayr ta- rafından 500 frank, Almanya'da zirâʻat müteşebbisîninden Ahmed Refet Efendi tarafından 20 frank, Bulgaristan'da Niğbolu ahâlî-i İslâmiyesi tarafından 10.300 leva, şehr-i mezkûrda mukîm Settar Halil Efendi'den 1.500 leva, Münih'de bulunan Türk ve İslâm ahâlîsi tarafından Ahmed İhsan ve Şürekâsı Matbaʻacılık Osmanlı Şirketi Müdürü Ahmed İhsan Bey vâsıtasıyla 567 Osmanlı lirası, 70.000 mark ve 60 mecidiye gümüş 2** , Amerika'da Philadelphia şehrinde mukîm İslâmlar nâmına İbrahim Meh- med Bey tarafından Tevhîd-i Efkâr gazetesi vâsıtasıyla 250 dolar, İstanbul tüccâr-ı muʻteberesinden Abbas el-Kâtib Bey maʻrifetiyle Tunus el-İkbâl Şirket-i Ticâriyesi Sâhibi Muhammed Mukaddem Bey tarafından 500 Fransız frangı, berây-ı maslahat Paris'de bulunan Reji İdâresi müdürlerinden İz- zet Melih Bey tarafından 100 ve refikası Fahrünnisa Hanım tarafından 50 Osmanlı lirası, Felemenk piyâde mülâzımlarından Mösyö Rifared tarafından Lahey Sefâret-i Seniyyesi vâsıtasıyla 10 Hollanda filorini, Beyrut Düyûn-ı Umûmiye Başmüdüriyeti Mukayyid Muʻâvini Vekîli Cemil Hammade Bey tarafından 10 Osmanlı lirası, Tunus'da çıkan el-Vezîr Gazetesi Müdürü et-Tayyib bin İsa maʻrifetiyle 1 Mûmâileyh mektûbunda: "-Îcâb-ı maslahat ve ilcâât-ı zamân dolayısıyla şimdiye değin cemʻiyet-i muhteremenizin makâsıd-ı âliyesine muʻâvenet olmak üzere Kıbrıs ahâlî-i İslâmiyesi nâmına delâlet-i âcizânemle ve es-Seyyid Emir Ali hazretleri vâsıtasıyla 1.050 İngiliz lirası dahi gönderilmişdir" diyor. 2 Ahmed İhsan Bey'in bu iʻâneye taʻalluk eden mektûbundan âtîdeki fıkarâtı iktibâs ediyoruz: "-Türk ordusunun ihrâz ey- lediği istiklâl ve halâs zaferi ile mesʻûd ve müteşekkir bulunan Münih Türk ve bi'l-umûm müslümânları taraf-ı âcizâ- nemden vukûʻ bulan daʻvet üzerine mâh-ı hâlin 16'ncı Cumartesi günü Deutsche Rahof Oteli 'ndeki salonda ictimâʻ eylediler. Kendilerini Yunanistan'ın Türk ve müslümân istiklâlini külliyen izâle etmek üzere üç seneden beri devâm etdirdiği mezâlim ve yağmaya ve cinâyâta karşı Anadolu'daki istiklâl şühedâsının evlâdına yardıma daʻvet eyledim".