HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 23 870 "-Hüseyin Hilmi Paşa merhûma yapılan cenâze merâsimi resmiyetden ziyâde samîmiyet ve hürmetle meşbûʻ idi. Merhûmun sâde ve vakûr tabutunu taʻkîb eden kâfile hep dostlarından, hür- metkârlarından, meftûn-ı fezâil ve kemâlâtı olanlardan, onu yüksek tanımış ve hürmetle sevmeğe alışmış olanlardan mürekkeb idi. Hattâ bu kâfile içinde görülen üç-dört ecnebî sîmâ bile merhûmun ta Selanik'den beri fazîlet ve ulüvv-i ahlâkını takdîr eden ve bu hiss-i takdîrin yaşatdığı hürmet ve tebcîl hislerini her şeye rağmen taşımakda zevk duyan eski dostlar idi ve bu dostlar aynı tabut arka- sında yürüyen Türk ve müslümân dostlar kadar mahzûn ve dilhûn idiler. Fânî hayâta vedâʻ ederken bu kadar samîmî bir dost ve perestişkâr kâfilesinin dest-i ihtirâmında yüksele yüksele gitmek şu üç- beş günlük ömürde bir insân-ı kâmilin isteyebileceği şereflerin en büyüğüdür. Hicrân-ı vatanla gurbet elinde terk-i hayât etmiş olmanın bir acılığı varsa, Hüseyin Hilmi Paşa dün tabutunu taşıyan eller ve kendisi için rahmet ve gufrân dileyen duʻâlar üstünde bu acıyı telâfî etmişdir. Hüseyin Hilmi Paşa hayâtında iffet ve istikâmetin, ulüvv-i ahlâk ve fazîletin, vatan-perverliğin yüksek bir timsâli kalmak- la kadir-şinâs Türklüğün bu son eser-i taʻzîmine kesb-i istihkâk etmişdi". _______________ Esîr Yunan Başkumandanının Hilâl-i Ahmer'e Teşekkürü Esîren Kayseri'de bulunan Yunan Orduları Başkumandanı General N. Tricoupis Hilâl-i Ahmer'e [303] tercemesi âtîde münderic teşekkürnâmeyi gönderdi: "Kayseri, 17 Haziran 1923 Türkiye Hilâl-i Ahmeri Riyâseti'ne Âilemizin son mektûblarını sûret-i mahsûsada göndermek lütfunda bulunduğumuzdan dolayı kendi teşekkürlerimi ve ona terdîfen General Dickens ve General Dimares'in teşekkürlerini takdîm ederim. Bu fırsatdan bi'l-istifâde İstanbul Türk Hilâl-i Ahmeri vâsıtasıyla bana gönderilmekde olan zev- cemin mektûblarından dolayı da takdîm-i teşekkürât ederim. Bâkî ihtirâmât-ı fâikamın kabulünü ricâ ederim, efendim. İmzâ N. Tricoupis Esîr-i Harb Yunan Generali _______________ Arjantin Salîb-i Ahmeri'nin Neşriyâtı Amerika-yı Cenûbî'de kâin Arjantin Salîb-i Ahmeri tarafından neşrolunmağa başlayan Arjan- tin Salîb-i Ahmer Mecmûʻası 'nın ilk nüshası merkezimize vârid oldu. Mecmûʻanın muhteviyâtı pek mütenevviʻdir.