HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 23 871 Bu yeni mecmûʻaya tûl-i ömür temennî ederken Arjantin Salîb-i Ahmeri'nin Hilâl-i Ahmer'e olan muʻâvenetini şükrânla zikretmeği de bir vazîfe addederiz. Arjantin'in, muhtelif şehirlerinde ve bilhâssa pâyitahtı olan Buenos Aires'de edyân-ı muhtelifeye mensûb binlerce Türk tebaʻası vardır. Vatanlarına bîgâne kalmayan bu tebaʻa dahi Arjantin Hilâl-i Ahmer Cemʻiyeti nâmıyla bir cemʻiyet teşkîl ederek cemʻiyetimize mühim meblağlar gönderdiler. İşte bu Arjantin Hilâl-i Ahmeri'nin te- şekkülünde Arjantin Salîb-i Ahmeri'nin yardımı dokunduğu gibi Arjantin Hilâl-i Ahmeri de Arjantin Salîb-i Ahmeri'nin taht-ı himâyesinde olarak Anadolu harb menkûbîni menfaʻatine bir konser verdi. Arjantin Salîb-i Ahmer Mecmûʻası 'nı almakla bu vakʻayı hâtırlayan Hilâl-i Ahmer, bu yeni hemşîresine alenen beyân-ı minnet etmekle kesb-i fahr eder. _______________ On Birinci Beynelmilel Salîb-i Ahmer Konferansı 28 Ağustos 1923'de Cenevre'de inʻikâd edecek olan 11'inci Beynelmilel Salîb-i Ahmer Konfe- ransı'na Hilâl-i Ahmer Merkez-i Umûmîsi aʻzâsından Müderris Doktor Besim Ömer Paşa ile Müder- ris Doktor Âkil Muhtar ve Servet-i Fünûn Gazetesi Sâhibi Ahmed İhsan Beylerin Hilâl-i Ahmer Mer- kez-i Umûmîsince murahhas intihâb ve taʻyîn edildiğini yazmış idik. Ahîren Müderris Doktor Besim Ömer Paşa'nın ayrıca hükûmeti temsîl etmesi Hâriciye Vekâlet-i Celîlesince tensîb buyurulmuşdur. _______________ Salîb-i Ahmerler İttihâdı ve Nightingale Madalyası Merkezi Paris'deki Salîb-i Ahmerler İttihâdı, Hilâl-i Ahmer'e gönderdiği bir mektûbda Nightin- gale madalyası nâmzedleri meyânında mazhar-ı taltîf olmuş olan Türk başhastabakıcılarından Safiye Hüseyin Hanım'ı kendi nâmına tebrîk etmeği ricâ etdi. Hilâl-i Ahmer ricâ-yı vâkıʻı maʻa'l-memnûni- ye kabûl ve isʻâf eyledi. _______________ Azîmet Hilâl-i Ahmer Cemʻiyeti Reîs-i Sânîsi Hâmid Beyefendi 16 Haziran'a musâdif Cumartesi günü Grac vapuruyla ve Venedik tarîkıyla berây-ı tedâvî, Carlsbad kaplıcalarına azîmet etdi. Reîs-i sânîmi- zin gaybûbeti bir buçuk ay kadar devâm edecekdir. _______________ [304] İzmir Hilâl-i Ahmer Merkezi İzmir'de Hilâl-i Ahmer nâmını tebcîle hâdim olan dispansere bir ayda mürâcaʻat eden hastagâ- nın adedi vasatî olarak iki bin kadar tahmîn edilmekdedir. Bu müessese-i sıhhiyeye karşı fukarâdan başka vasat ahâlînin ve hattâ bazı ağniyânın bile rağbet göstermekde olduğunu bir hiss-i iftihâr ile kaydediyoruz. _______________