HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 23 872 Üserâ Mübâdelesi İzmir'deki murahhasımız Doktor Ömer Lütfi Bey'den alınan bir telgrafnâmede, Beynelmilel Salîb-i Ahmer murahhaslarından olup mübâdele-i üserâya nezâret eden Doktor Page'ın Atina'da bu- lunan mütebâkî üserâmızı kurtarmak için 29 Haziran'da Midilli'ye gitdiği ve Midilli'de ikmâl-i vazîfe eder etmez Atina'ya avdet edeceği işʻâr ediliyor. Yunan Esîrlerini Teftîş Beynelmilel Salîb-i Ahmer'in İstanbul dâimî murahhası Mösyö Burnier ve cemʻiyet-i mezkû- renin delegesi Mösyö Burckhardt, Anadolu'daki Yunan esîrlerini teftîş etmek üzere ve Hilâl-i Ahmer Üserâ Şuʻbesi Müdürü Safvet Şav Bey refâkatiyle geçen 23 Haziran'a musâdif Cumartesi günü Ban- dırma tarîkıyla Anadolu'ya azîmet eylediler. _______________ Hilâl-i Ahmer'e Teşekkür Manisa'da Yunanîler tarafından kasden îkâʻ edilen harîk-ı hâil-i meşʼûmda büyûtu muhterik olan bîçâregânın Hilâl-i Ahmer inşâât heyʼeti maʻrifetiyle kâbil-i süknâ barakalar yapdırılması ve memleketin fukarâ-yı halkının infâk u iʻâşesinde ibzâl edilen muʻâvenet münâsebetleriyle mahallî belediye heyʼeti hissiyât-ı şükrân-güzârânesini Hilâl-i Ahmer'e bir mazbata ile iblâğ etmişdir. _______________ Darüşşafaka'nın Rozet Günü Îd-i edhânın birinci günü Dârüşşafaka menfaʻatine umûma mahsûs mahallerle vesâit-i nakliye derûnlarında tevzîʻ olunacak rozetlerle kutu ve sepetlerin Hilâl-i Ahmer semt teşkîlâtı heyʼetleri- nin intihâb eyleyecekleri vesâitle gezdirilmesi için Cemʻiyet-i Tedrîsiye-i İslâmiye'den vukûʻ bulan mürâcaʻat Hilâl-i Ahmerce kabûl edilerek îcâb edenlere teblîgât îfâ edilmişdir. _______________ Tokad Hilâl-i Ahmer Merkezi Müddet-i nizâmiyesini ikmâl eden Tokad Hilâl-i Ahmer Heyʼet-i İdâresi aʻzâlığına esâmîsi âtî- de muharrer zevât intihâb edilmişdir: * Reîs-i Evvel: Hoca Fehmi Efendi * Reîs-i Sânî: Sıhhiye Müdürü Aziz Bey * Veznedâr: Emirilizâde Vahab Efendi * Veznedâr Muʻâvini: Müderris Hoca Mustafa Efendi * Kâtib: Livâ Sıhhiye Kâtibi Abdülkadir Efendi _______________